1 Bibɔrb Aabɔr 11:21 - Uwumbɔr aagbaŋ

²¹ Uma le nan kpa liyimbil “Piitaa Na” ni, le ki kpaln baayidaan, u mu aa nan tee kpa liyimbil ke “Bitaa Na” na.

1 Bibɔrb Aabɔr 11:21 ပူးပေါင်းရင်းမြစ်များ

2 Samuel 23:18

Joab u nan ye Seruya aabo na aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

1 Bibɔrb Aabɔr 11:20

Joab aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

1 Bibɔrb Aabɔr 11:22

Jehoyada, u nyan ni Kabseel na aajapɔɔn Benaya mu le nan ye uja u kpa liyimbil na; u nan tun lipobil aatun pam, u nan ku Moab aapobidam bilee bibaa. Daalbaadaal, u nan koo mbuu ni, nwiin mundaal ntaanal nan lir na, ki ti ku uchinn.

1 Bibɔrb Aabɔr 12:21

Baah nan ye bijab bi nyi butɔb aabɔr mbamɔm na, bi nan ye David aajab ponn ni bininkpiib la. Puwɔb le bi nan ŋa Israel aajab ponn ni bininkpiib.

Matiu 13:8

Le mubaa mu lir kitiŋ ki ŋan na ponn ni le ki mar. Ngem lun nkub nkub, ngem mu lun imonko itata, ngem mu lun piitaa piitaa.

1 Korenti 15:41

Nwiin, ni uŋmal, ni ŋiŋmabil kpa kinyaan; ni mu aanyaan aa kpaan; ŋiŋmabil mɔmɔk aanyaan mu aa kpaan.