1 Bibɔrb Aabɔr 11:18 - Uwumbɔr aagbaŋ

¹⁸ Le bijakpaam ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

1 Bibɔrb Aabɔr 11:18 ပူးပေါင်းရင်းမြစ်များ

2 Samuel 23:16

Le bijakpaam bitaa ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

1 Bibɔrb Aabɔr 11:17

David aalaasaab nan gur bi linampal ni la, le u bui ke, “Ubaa yaa ba joo ni mi nnyun mu nyan Betlehem aabisamɔb aanyunbun na ponn ni na kan, m ba gee.”

1 Bibɔrb Aabɔr 11:19

le ki bui ke, “Uwumbɔr, maan ŋmaa nyu nnyun mue. Ni ga li bi ke m bi nyu bijab bi di baamɔfal ŋa biŋaal ni ki ti lun ni mu na aasin la,” le ki yii, kaa nyun mu. Bijakpaam bitaa ngbaan aah nan tun lipobil aatun ŋi na le bi na.

Solomonn Aalahn 8:6

Taa ki bɔnn upii ubaa ki kpee m pu; taa ki cha aaŋaal bub ubaa ki kpee m pu. Mbɔngeehm pɔɔ ke nkun na la; Mbɔngeehm pɔɔ ke kitekpiitiŋ na la. Mu ti gaal ke mmii na la, le ki wu ke kichook ni aamii na.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

1 Samuel 19:5

U nan di waamɔfal ŋa uŋaal ni, le ki ti ku Goliaf, le Uwumbɔr tii Israel yaab mɔmɔk linyaŋ sakpeln. Saah nan kan kina na, ni nan mɔ si la. Ba tee ki ŋa, aa ki ban aa tun titunwanbir unii u kaa kpa taani ubaa na pu, ki ku David, tibɔr ti kaa kpa tataa na pu?”

1 Samuel 7:6

Kina pu le bi mɔmɔk kuun Mispa ni. Bi nan ban nnyun le ki kpir tii Uwumbɔr, le ki lul bumɔb liyaadaal, nwiin ti lir. Bi nan len ke, “Ti tun Uwumbɔr titunwanbir.” Mispa ni, nima chee, le Samuel nan toor Israel yaab bi nan kpa tɔb tibɔr na aakaasisik ni.