Yunu 4:8 - Wunta Mempori

⁸ Tempono saba oleo, a pompakosi-Do Ue Ala mepuuriomo angi sabaano oleo anu mokula ntu'u, ranta wantano oleo mokomahakio uluno i Yunu, ka i'amba tebangkuomo telusa. Ka i'amba mo'ema ka imate, ipotae, ”Laluopo kumate sekonopo kutuwu.”

Yunu 4:8 ပူးပေါင်းရင်းမြစ်များ

Tegagia 41:6

Sine, umarino atuu tuwuomo opitu tonggino gandu anu morungku ka moleu hangano angi i sabaano oleo.

1 Mokole 19:4

Sine onae lumako i pada one asa oleo pelempaa olaino. Hawe ka ipentoro i totono keu arari. Onae mo'ema kai mate, ipotae, ”Sompoomo! Kanandio-andio, oo Ue, I'alaomo penaaku, hangano ongkue andio komba laluaopo moiko sekono uempu'uku.”

1 Mokole 21:4

Ka i'amba i Ahabi mewinso a laro langkanaeno, saru mosa'o aroano ka tekuda hangano pau anu pinauno i Nabo to Yisire'eli atuu ndi onae, ”Nahi aku weeakomiu tia pusakado uempu'uku.” Onae mepombole a mpoturiano ka ipo'opoo rupano, ka nahi behe mongkaa.

Ayubi 2:10

Sine sumangki i Ayubi ndi onae, ”Omue mepau kana beine monge-monge! Nde inehetoke montarima butu anu moiko inso ndi Ondae Ue Ala, sine nahi tobehe montarima anu nahi moiko?” I larono luwuno atuu i Ayubi nahi tehalaako wiwino.

Ayubi 7:15

Ongkue mbo'u inehekupo tinolonggeo ka mate sekonopo tumembio masusaku.

Po'unde-unde 121:6

Mata'oleo nahi ta mokomahakiko i tempono meene, ke wula i tempono wongi.

Po'unde-unde 39:9

Ipotola akumo inso a luwuno polimpa'iku, si pokogagi aku tetewehiano mia monge-monge!

Puu Pontutulu 7:9

Siimo ronga tekuda i laro aroa, hangano tekuda mo'ia mpiha a laro radano mia benge-benge.

Penani Maramba 1:6

Si mpekokoongakono nine ongkue mo'ito, hangano mokulano oleo mokomo'ai aku. Ana ntamado ineku mentekuda ndi ongkue, ka mpokogagi aku puu mpodagai luwuno lere anggoro; lere anggoroku ongkueku nahi kudagaio.

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yehesikieli 19:12

Sine, a laro ntekuda onae tebuta ka pinetadiako i tolino; angi sabaano oleo mokomoleuo mokari, wuano sinintaki sampano anu moroso gagi moleu mokari ka ikaano api.

Hosea 13:15

Maupo ituwu mewalo i olono luwuno ewo, angi i sabaano oleo, angi-Do i Ue ta hawe mepuuri inso i pada one, mokomotu'io luwuno insoano uwoi ka mokonsa'o luwuno mata uwoino; Ira rumontuo arataa, luwuno sangka anu tekosi.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Yunu 1:17

A pompakosi-Do i Ue haweomo asa bou langkai anu ta tumeleo i Yunu. I Yunu mo'ia a laro kompono bou atuu otolu oleo otolu wongi tehineno.

Yunu 1:4

Sine Ondae i Ue mompotii umangi a ntahi, ka i'amba gagiomo opue langkai, ranta kapala atuu tedeimo koa ka iterawo.

Yunu 4:3

Gagi kanandio-andio, oo Ue, po'ineeomo I'alaomo penaaku, hangano laluopo kumate sekonopo kutuwu.”

Yunu 4:9

Pau-Do Ue Ala ndi Yunu, ”Tekonake utekuda hangano keu hulu-hulu atuu?” Sangkino, ”Tekonaomo kutekuda ranta kumate.”

I MATIU 20:12

dompotae: Ondae anu mpewinso telembui andio butu asa langku dompo'angga ka upongkena ira saru omami anu asa oleomo kimpo'angga mobea ka mpepuai mokula oleo.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!

MENGKAAA 7:16

Nahi ira memarasaiako mokoninggo ka mokoranga mbo'u, ka mata'oleo ke mokula ntu'u nahi ta umalu ira mbo'u.

1 Samueli 3:18

Ka i'amba i Semueli pauakono, nahina maupo hapa anu winunino. Ipotae i Eli, ”Ondaemo i Ue, po'ineeomo Doweweuo hapa anu moiko a pongkita-Do.”