YUDASI 1:9 - Wunta Mempori

⁹ Sine i Mikaeli tadulakodo mala'eka, tempono a laro aasa teposisalaa megaga saru i Mosa'o mongkona wata ngkoroino i Musa, nahi sapa humukuakono i Mosa'o pau pompepaukiako, sine ipotae, ”Po'ineeomo Ondae i Ue kumuahakomu!”

YUDASI 1:9 ပူးပေါင်းရင်းမြစ်များ

1 Tawarika 12:17

I Daudi meluarako tepohaweako ira ka motae, ”Tewala aiwamiu ndi ongkue saru tinoo manangai komiu mpokowali aku, aku koa me'asa aroaakomiu. Sine, tewala tinoomiu komiu mpe'akala mpeweengako aku a iwaliku, kahinaano nahi kupoweweu anu mosa'o, po'ineeomo Ondae Ue Alado uempu'uto kumitao atuu ka humuku komiu.”

Peluarakoa 22:28

”Si totonaa Ira Ue Ala kasi tutundali ira petewawa tongkumiu.

Danieli 10:13

Petewawano poparentaado to Peresia mentade umewai aku rua pulu ka asa oleo tehineno. Ka i'amba i Mikaeli asa mia inso i olodo petewawa anu pinemota'u, aiwa tumulungi aku, ka onae kubintao i ra'ai tepo'aroako ira mokoledo to Peresia.

Danieli 10:21

Sine, aku koa pauakomu hapa anu teburi a Wunta Menteea. Nahina maupo te'asa anu me'alaako ndi ongkue umewai ira, sangkadio i Mikaeli, petewawamu atuu.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

I MARAKUSU 15:29

Mia anu ntelalo i ra'ai mpepaukiako Ira, ka mpebitu-bitu ulu dompotae, ”Hei Omiu anu komiu betao Raha Mempori ka wali wanguo i larono otolu oleo,

Winali 34:6

Dokaburuo i aasa lembono i wita Moabi tepo'aro saru Beti-Peori, ka nahina mia anu tumo'orio kaburuno hawe a oleo andio.

1 TESALONIKA 4:16

Hangano i tempono pinowee petondoni, onaemo tempono ipebooli petewawado mala'eka ka tawuwua-Do Ue Ala me'uni, ka Ondae i Ue Ira metii inso i suruga ka ondae anu memate ndi Ondae i Kerisituu ira ntese'elu mpewangu;

1 PETURU 3:9

ka mosa'oa si mpombaloako mosa'oa, ke pompepauikiako saru pompepaukiako, sine tendeano, po'ineeomo imporonso, hangano onaemo ka imempinoboi, onaemo ka impohawe ronso. Hangano,

2 PETURU 2:11

kahinaano luwuno mala'eka isa'a, anu maupo lalu memoroso ka lalu mempabawa sekonopo ondae, nahi dompepauako pau pompepaukiako, tewala dometuntuo mala'eka hukudo i aro-Do Ue Ala.

MENGKAAA 12:7

Ka gagiomo peteaa i suruga. I Mikaeli ka luwuno mala'ekano metea umewaio naga atuu, ka naga atuu dompokowalio mala'ekano,