YUDASI 1:7 - Wunta Mempori

⁷ mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

YUDASI 1:7 ပူးပေါင်းရင်းမြစ်များ

Tegagia 13:13

To Sodomo tedoa melambaha ka ntehala ndi Ondae i Ue.

Tegagia 18:20

Mepau Iramo i Ue, ”Peraali mongkona Sodomo ka Gumora, hadio ntu'u ka tedoa ntu'u mobea halano.

Tegagia 19:5

Dompebooliakono i Lo'oti, ”Isua irake tama anu hawe ndi omue wongi andio? Wawa ira meluarako ndi omami, kami mpewowaliako ira.”

1 Mokole 22:46

Anu susuano inso a nteweweuno i Yosapa, mosiano anu pinopokitano, ka kana'umpe ipetea, kombake luwuno atuu teburi a wunta tutuludo mokole i Yehuda.

Yesaya 1:9

Ande-andeno Ondae Ueno luwuakoano nahi Dopobinta ndi ontae mia mentekadudui, ontae ilawu kana Sodomo, ka gagi mengkena kana Gumora.

Yesaya 13:19

Babeli, mewanta luwuno poparentaano, peramba-rambado to Kasidimi anu tekosi, ta mengkena kana Sodomo ka Gumora i tempono Dowowangunsuleo.

Yesaya 33:14

Mia mentehala ntededengke i Sioni mia anu mpebungkui Ira i Ue ipabawai ira doitoa. Dompotae, ”Isemake i oloto anu polio mo'ia umpeda api anu mompokomo'ai andio? Isemake i oloto anu polio mo'ia umpeda a pompotuwua api anu nahina tampulaano andio?”

Yeremia 20:16

Po'ineeomo mia atuu gagi kana luwuno kota anu winowangunsule-Do i Ue nahina pompehohawa! Po'ineeomo ka irongeo pebooli tempono mo'oru ka pohio mpetea tempono ntonga oleo!

Yeremia 50:40

Kana i ndi'ipua i tempono Ondae Ue Ala wowangunsuleo Sodomo ka Gumora saru luwuno kota pehori-horino, pau-Do i Ue, kanatuumo nahi ta hina mbo'u mia anu rodo i ra'ai ka maupo te'asa anano mia nahi ta mo'ia mbo'u i larono.

Ponsabangi 4:6

Mosa'oano ana beine tongkuku lumaloio halano Sodomo, anu asa mpiniro rinongka-rongka nahina kae anu tumunduhio.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

I MATIU 10:15

Kupauakomu: Menteeano a oleo pobitaraa Sodomo ka Gumora ta monongkoopo tinembino sekono kota atuu.”

I MATIU 11:24

Sine Kupauakomiu: A oleo pobitaraa, tembiano wita Sodomo ta lalu monongko sekono tembiamiu.”

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

I LUKASI 17:29

Sine a oleo ipeluarako i Lo'oti inso i Sodomo metiiomo usa api ka usa walira inso i langi mepate ira luwu.

1 KORINTI 6:9

Ke nahi imento'orioke, nine mia anu nahi domemoleo nahi ira mpohawe tia a laro Poparentaa-Do Ue Ala? Si ntepopo'oo! Mia mebelesu, mpesomba a lahumoa, mia mpososabo, salabai, tama mewowaliako tama,

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

2 TESALONIKA 1:7

ka ndi omiu anu mempinokonsii Dopowee komiu sanaa aroa ka ndi omami mbo'u, i tempono Dopesabaako i Yesu inso i laro nsuruga meronga saru luwuno mala'eka-Do, a mpabawa-Do, a laro api anu kolanga-langa,

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

2 PETURU 2:2

Hadio mia ira mentondao sala ntumuwudo anu pinabawaino po'eheno aroa, ka hangano ondae Sala Menteea ta pinepauikiako.

2 PETURU 2:6

ka tewala Ondae Ue Ala sumongkoo kota Sodomo ka Gumora, ka ba kanandio rumopuo ka mokogagio aasa pompopoto'orido anu mentuwu mpogau mosa'o a tempo lembuino,

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.