YUDASI 1:4 - Wunta Mempori

⁴ Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

YUDASI 1:4 ပူးပေါင်းရင်းမြစ်များ

2 Samueli 22:5

Menteeano ilimbu akumo bomba matea, luwuno mowo masolaa i alu akumo,

Po'unde-unde 1:1

Me'uraomo mia anu nahi pelempa tumondao po'oluakono mia mosa'o gauno, anu nahi pentade a mpesalaano mia tehala, ka anu nahi pentoro a tepumpuado mia mponggari-nggari,

Po'unde-unde 62:2

Butu koa umpeda ndi Ondae Ue Ala kurodo, insomo ndi Ondae tekaduduiku.

I MATIU 13:25

Sine i tempono luwuno mia mpoturi, haweomo iwali morawoakono wua lee i olono gandu atuu, ka i'amba lumako.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 15:24

Kimerongeomo, nine hinao ba opia ira mia i olomami, anu nahi dompohawe pe'oliwi inso ndi omami, mpopokodanggara ka mpokobulalingoo aroamiu hangano pompagurudo.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

GALATIA 5:13

Pepaekompo, lano mempinoboi komiumo ka imaradeka. Sine si mempakeo maradekaa andio gagi pompe'umalu ka imentuwu a laro hala, tendeano imemambepekakaako hangano pompehohawa.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

1 TIMOTIU 5:8

Sine tewala hinao te'asa mia anu nahi pekakaako ira pe'etuno, tamoako pe'asa rahano, mia atuu mepoura ka mosa'oopo sekono mia anu nahina pompe'ala-alano.

2 TIMOTIU 2:12

tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

2 TIMOTIU 3:6

Hangano i olodo hinao mia anu menongkoako lumako a rahado mia susua ka dompokobenge-benge ira beine anu molema anu bukeako hala ka ipabawai ira mperupa-rupa po'eheno aroa,

1 PETURU 2:16

Imentuwumo kana mia maradeka ka komba kana ondae anu mensala pakeo maradekaa atuu ka itetutuwi luwuno wineweudo anu mosa'o, sine imentuwumo kana tetenaa-Do Ue Ala.

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

1 PETURU 4:18

Ka tewala mia mentee ilawu nahi domengkinadudui, hapake anu ta gagi a mia mosa'o guano ka mia tehala?

2 PETURU 2:10

tamoako ondae anu mentondao po'eheno aroado hangano mingki sumosa'aio koroino ka anu mokongkuramao poparentaa-Do Ue Ala. Memosia ira ntu'u ka mpompelangka-langkai, ranta nahi donte'ondaha mpepaukiakono marambaa,

2 PETURU 2:7

sine Dokaduduio i Lo'oti, mia anu mentee, anu marasai mpiha hangano sala ntumuwudo mia anu nahi dompoto'ori songka ka anu butu mpontonda po'eheno aroado, –

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.

1 YOHANE 2:22

Isema marampegaupi atuu? Onaemo atuu anu umewai Ira i Kerisituu, onaemo onae anu humapu Ira i Ama maupo Ondae i Ana.

YUDASI 1:15

Ira bitarao luwuno mia ka modontaiako ira pohuku a mia memosa'o gaudo hangano luwuno wineweu gau mosa'o, anu mewineweudo ka hangano luwuno pau pontata, anu pinaudo mia ntehala anu mosa'o gaudo atuu ndi Ondae i Ue.”

YUDASI 1:18

Hangano domempauomo ndi omiu, ”tamo haweako pokotampulaano wawontolino ira mehawe mia pompopodeu-deu anu ira mentuwu mentondao po'eheno aroa ka gaudo anu mosa'o.”

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”