YUDASI 1:3 - Wunta Mempori

³ Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.

YUDASI 1:3 ပူးပေါင်းရင်းမြစ်များ

Nehemia 13:25

Kutata ira ka kutotonaa ira. Ba'opia mia i olodo kutunduhio ka kubutao wuuno, ka ku'amba tumenao mesumpa a nee-Do Ue Ala, kanandio, ”Sii ntu'u impeweengako ira ana beinemiu domengkombia ira ana ntamado ke mpo'ala ana beinedo gagi kombiado ana ntamamiu ke tiano koroimiu!

Yesaya 45:17

Sekono Isaraeli Dokaduduiakono i Ue tekaduduia anu nahina tampulaano; nahi komiu memokoko'ii ke mpohawe mokoko'iia ranta nahina tampulaano.”

Yesaya 45:22

Impepokulemo ndi Ongkue ka imengkinadudui, hei luwuno tompano tolino! Hangano Ongkuemo Ue Ala ka nahina anu susua.

Yeremia 9:3

Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

WINEWEUDO TINENA 17:3

Ipokomengkaako ira ka i itisoako ira, nine i Mesia asalakono Ira tebobarasai ka mewangu inso a mpo'iangado mia mate, ka i'amba motae, ”Ndiomo i Mesia Ondaemo i Yesu anu pinaleleku ndi omiu.”

WINEWEUDO TINENA 18:28

Hangano nahi te'osa menge-ngeako ira to Yahudi i arodo mia hadio ka itisoako ira inso a Wunta Mempori nine Ondae i Yesu Ondaemo i Mesia.

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 28:28

Onaemo pu'uno asalakono ka imento'orio, nine tekaduduia anu inso ndi Ondae Ue Ala andio mempinohaweako luwuno tongku susua ka ira merongeo.” [

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

WINEWEUDO TINENA 6:7

Kotepale-paleleno pau-Do Ue Ala, ka koteti-tetiangino hadiodo ana guru i Yerusale; hadio mbo'u sando mpesomba anu mpetonda mpompe'ala-ala.

WINEWEUDO TINENA 9:13

Sumangki i Anania, ”Ue, inso a hadio mia kurongeomo mongkona mia atuu, hadio ntu'u wineweu mosa'o anu wineweuno a mia mempori-Miu i Yerusale.

WINEWEUDO TINENA 9:22

Sine kolangka-langkaino pabawano i Saulu ka ipokobulalingo ira to Yahudi anu mpo'ia i Damasi, hangano ipokomanasao, nine Ondae i Yesu Ondaemo i Mesia.

1 KORINTI 15:3

Hangano anu lalu i wawonoako kupohaweakomiumo, onaemo hapa anu kutarimaomo ongkueku, onaemo nine Ondae i Kerisituu mate Iramo hangano luwuno halato, menunu saru Wunta Mempori,

GALATIA 2:5

Sine maupo tesarai nahi kimebehe mposuka ka mpetuundu ndi ondae, ka ipokompo'ia mpiha ndi omiu menteeno Lele Mawongkoa.

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

GALATIA 6:11

Kitaomo, kana'umpe langkaino luwuno hurupu anu kuburiakono kaeku hawe ndi omiu.

EPESU 1:1

Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

Winali 21:9

Kanatuumo imempahihio reano mia anu nahina salano atuu inso i tonga-tongamiu, hangano omiu asalakono mpoweweu hapa anu mentee a pongkita-Do i Ue.”

Winali 9:10

Dowee aku i Ue orua watu, anu binuriako toniso-Do Ue Ala, me'ihiako luwuno pau anu pinau-Do i Ue ndi omiu i torukuno atuu inso i tonga-tongano api, a oleo tempono impepumpu.

PILIPI 1:1

Inso ndi Paulu ka i Timotiu, Tetenaa-Do i Kerisituu Yesu, a luwuno mia mempori ndi Ondae i Kerisituu Yesu i Pilipi, saru luwuno petewawado bawaa ka diakee.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

KOLOSE 1:2

a luwuno pepaekompo anu mempori ka anu mpompe'ala-ala ndi Ondae i Kerisituu i kota Kolose. Pe'aroa ka rodoa inso ndi Ondae Ue Ala, Amato, kumongkomi komiu.

1 TESALONIKA 2:2

Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.

1 TIMOTIU 1:18

Anggaa andio kuweeakomu, Timotiu anaku, menunu saru hapa anu pinauomo anu ta gagi mongkona koroimu, ka ipokomorosoko pinau anu ta gagi atuu umanggao anggaa anu moiko a pompe'ala-ala ka aroa mewine anu mentee.

1 TIMOTIU 6:12

Petandimo a mpetandia pompe'ala-ala anu mentee ka pete'umalaomo tuwua anu nahina tampulaano. Onaemo atuu ka upinoboimo ka upedandiakomo dandi anu mentee i arodo hadio sakosii.

2 TIMOTIU 1:13

Iniomo luwuakoano anu urongeomo inso ndi ongkue gagi pandiri pompaguru anu mentee ka weweuomo atuu a pompe'ala-ala ka pompehohawa ndi Ondae i Kerisituu Yesu.

TITU 1:4

Hawe ndi Titu, anu pine'anaku ntu'u montonda pompe'ala-alato luwu: pe'aroa ka rodoa inso ndi Ondae Ue Ala Ama ka Ondae i Kerisituu Yesu, Puu pongkaduduito, kumongkomiko.

IBARANI 13:22

Ka kupatudu komiu, luwuno pepaekompo, ka imentarimao a moputeno aroa, maupo butu owowa wuntaku andio ndi omiu.

IBARANI 6:9

Sine, hei pepaekompoku luwu-luwu anu kinekewoiku, maupo kimpotae kanandio mongkona omiu, kimpe'ala-alao, nine hinao ndi omiu anu lalu moiko, anu mowawa tekaduduia.

1 PETURU 5:12

Mesala ndi Siliwanu, anu kutuduo kana aasa pepaekompo anu pinokompe'ala-ala, kupoburiakomiu owowa ka patudu komiu ka imento'orio, nine andio onaemo pe'aroa anu mentee ntu'u inso ndi Ondae Ue Ala. Impentademo temoroso i larono!

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

2 PETURU 2:21

Onaemo pu'uno ndi ondae moikoopo, tewala nahi dohori mento'orio Sala Menteea sekonopo domento'orio, sine lembuino mpewolili inso a parenta mempori anu domempinauako.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

YUDASI 1:17

Sine omiu, luwuno pepaekompo anu kinekewoiku, impewowoloomo hapa anu i ndi'upua domempauomo tinena-Do Ueto i Yesu Kerisituu ndi omiu.

YUDASI 1:20

Sine omiu, luwuno pepaekompo anu kinekewoiku, imewanguomo koroimiu omiu-miu me'empehiako pompe'ala-alamiu anu lalu mempori ka impekakaimo a laro Penaa Mempori.

MENGKAAA 12:11

Ka domenangiakono rea-Do Ana Bimba, ka hangano pau ponsakosiido. Hangano nahi dompehohawao penaado hawe a laro matea.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.