YUDASI 1:19 - Wunta Mempori

¹⁹ Ondaemo anu mpoweweu teposisalaa anu pinabawai butu luwuno mosisirino wawontolino andio ka anu tuwu nahina Penaa Mempori.

YUDASI 1:19 ပူးပေါင်းရင်းမြစ်များ

Powadi 18:1

Mia anu mo'ia asa-asano, mo'ungke ineheno, mosa'ono aroano mansa gagi a sompo pontimbanga.

Yesaya 65:5

anu motae, ”I ra'aimo mpiha, si umpedaakune, hangano ongkue andio tedoa mempori ndi Omiu!” Luwuno andio kana ahu anu mewinso a laro enge-Ku, kana api anu melanga asa oleo.

Yehesikieli 14:7

Hangano sompo mia, moiko inso a nsuku Isaraeli maupo puu mpebalu-balu anu mo'ia i tonga-tongado to Isaraeli, anu pansia inso ndi Ongkue ka sumu'u ira lahumoano i laro aroano ka monaa i arono watu tetidu, pepu'uano salado, ka i'amba aiwa tepohaweakono nabi ta mo'emaakono pontiso ndi Ongkue, ka Ongkue isa'a, Ue, Aku sumangkio.

Hosea 4:14

Nahi Aku humuku ira anamu beine maupo domponsosabo, ke luwuno kombiado ana ntamamu, maupo dompebelesu. Sine, tamado isa'a melako mpe'asaako ira beine mebelesu ka mompesombaako pesomba meronga luwuno mia mebelesu a raha pesombaa susua. Bawaa anu nahina ponto'orino ta tedonta.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

ROMA 8:9

Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

1 KORINTI 2:14

Sine mia tuwu ntolino nahi pontarima hapa anu te'inso a Mpenaa-Do Ue Ala, hangano ndi onae mongkona atuu onaemo aasa monge-mongea; ka nahi pokonto'orio, hangano mongkona atuu butu pinokonto'ori montonda rohani.

1 KORINTI 6:19

Ke nahi imento'orioke, nine koroimiu onaemo raha-Do Penaa Mempori anu mo'ia i laromiu, Penaa Mempori anu hinawemiu inso ndi Ondae Ue Ala, — ka nine omiu komba omiu isa'a mpe'ueo?

IBARANI 10:25

Si tome'olaiakono luwuno tepumpuato mpesomba, kana domeleleoakono ba opia mia, sine aiwamo tomemambepatudu, ka komoku-mokuato meweweuo haweano oleo-Do i Ue anu umpedaomo.

YAKOBU 3:15

Atuu komba ponto'ori mentee anu inso iwawono, sine inso i wawontolino, inso a mpo'eheno aroano mia, inso a onitu nsa'o.