YUDASI 1:12 - Wunta Mempori

¹² Ondaemo andio tataa a mpelimbua mambepehohawamiu, nde ondae nahi mokoko'iido mpongkaa hadio ka butu mpekakaakono koroido ondaedo; ondae kana seru anu nahi pe'uwoi, anu telalo ipuurio angi; ondae kana luwuno keu anu i tempo motu'i-tu'i nahi pewua, luwuno keu anu tebuta saru luwuno hakano ka mateomo ntu'u.

YUDASI 1:12 ပူးပေါင်းရင်းမြစ်များ

2 Tawarika 7:20

manasa Aku buta komiu inso i wita-Ku anu umariomo Kuweeakomiu, ka raha andio anu Kupokomemporiomo tiano nee-Ku, Aku tumadio inso i aromiu ka Aku mokogagio potundaa ka pasinggiri i olodo luwuno tongku.

Ayubi 8:17

Luwuno hakano wewesio howuno watu, mepinsolako a laro olo-olono watu atuu.

Po'unde-unde 1:3

Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Po'unde-unde 37:2

hangano ira ronga memoleu kana ewo ka moleu kana luwuno pinopaho molowulu.

Powadi 25:14

Kana seru ka angi nahina usa, kanatuumo mia mompelangka-langkaiako pompowee anu nahi hori meweengakono.

Yehesikieli 17:9

Pauomo: Kanandiomo pau-Do Ue Ala: Nde ta mehasilike atuu? Nde nahi ta binutake luwuno hakano ka sintaki wuano, ranta ka imokari? Luwuno lewe mongurano gagi mokari: Nahi pongkere kae moroso ka hadio mia ba ibinuta hawe a luwuno hakano.

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Yehesikieli 34:18

Napi upesompooke pingkoo pada ewo anu moiko? Asalakonoke komiu mbo'u melolandaakono karumiu pada ewo anu susua? Napi mpesompooke me'inuo uwoi anu molino? Asalakonoke uwoi anu tebinta mbo'u imewewuiakono karumiu?

Yehesikieli 34:2

”Hei anano mia, pauomo anu ta gagi umewai ira puu mpopakambido to Isaraeli, pauomo anu ta gagi ka potaemo ndi ondae, a luwuno puu mpopakambi atuu: Kanandiomo pau-Do Ue Ala: Masola iramo puu mpopakabido to Isaraeli, anu pakambio koroino onaeno! Kombake luwuno bimba anu asalakono domempakambi ira puu mpopakambi atuu?

Yehesikieli 34:8

Hangano Ongkue anu tuwu, kanandiomo pau-Do Ue Ala, menteeano luwuno bimba-Ku gagiomo kaangado luwuno kondehora mo'ila hangano nahina anu pakambi ira; luwuno puu pompakambi-Ku nahi domperio ira bimba-Ku, tendeano pakambio koroino onaeno, sine luwuno bimba-Ku nahi domempakambi ira.

Hosea 6:4

Hapa anu Aku weweuo ndi omue, hei Eparai? Hapa anu Aku weweuo ndi omue, hei Yehuda? Pompehohawamu kana gawu mo'oru, ka kana tontoru anu moliu tempono mo'oru.

Imama 14:43

Sine tewala tondonino atuu saaba mbo'u i laro raha atuu umarino hinunggei luwuno watu ka rereno raha atuu kineruwi, tendeano inapii mbo'u,

I MATIU 13:6

Sine mansano saba oleo, moleuomo ka gagi mokari hangano nahi pehaka.

I MATIU 15:13

Sumangki Ira i Yesu, ”Sompo pinopaho anu nahi Dopahoo Ama-Ku anu i suruga ta binuta saru luwuno hakano.

I MARAKUSU 4:6

Sine mansano saba oleo, moleuomo ka gagi mokari hangano nahi pehaka.

I LUKASI 12:45

Sine, tewala ata atuu mosa'o ka motae i laro aroano: Ondae ueku nahi dohori hawe, ka i'amba mompu'u tumunduhi ira ata tama ka beine, ka ipongkaa ka mo'inu ranta molangu,

I LUKASI 16:19

”Hinao asa mia kaea anu wela mesangkaako lemba meloe wungo ka sawu alusu, ka sompo oleo onae mo'unde a laro mare'ea.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

I LUKASI 8:6

Asa ntia tedonta a wita melaro watu, ka mansano tuwu gagi mokari hangano nahi pohawe uwoi.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

PILIPI 3:19

Tompaakoado onaemo masolaa, Uedo onaemo kompodo, marambado onaemo mokoburudo, pinewowolodo butu te'aro a ntuwu tolino.

1 TIMOTIU 5:6

Sine aasa tuwu beine anu tuwu mare'e ka laloomo lahi, mateomo tempono da ituwu.

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

YAKOBU 5:5

Mentuwu komiumo a laro mare'ea ka mpompemana-manangai i tolino, impotendeomo aroamiu mengkena kana a oleo ponsumbelea.