YUDASI 1:1 - Wunta Mempori

¹ Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

YUDASI 1:1 ပူးပေါင်းရင်းမြစ်များ

I MATIU 10:3

i Pilipu ka i Batolomeu, i Toma ka i Matiu puu popumpu sima'ulu, i Yakobu anano i Alipeu, ka i Tadeu,

I MATIU 13:55

Kombake Ondae andio anano anu pande mo'angga keu? Kombake ine-Do meneeako i Maria ka pepaekompo-Do: i Yakobu, i Yusupu, i Simo ka i Yuda?

I MARAKUSU 3:18

ka i'amba i Andarea, i Pilipu, i Batolomeu, i Matiu, i Toma, i Yakobu anano i Alipeu, i Tadeu, i Simo to Seloti,

I MARAKUSU 6:3

Kombake Ondae andio puu mpo'angga keu, anano i Maria, pepaekompono i Yakobu, i Yohane, i Yudasi ka i Simo? Ka kombake luwuno pepaekompo-Do beine kongko saru ontae?” Mosa'oomo aroado ka i'amba nami domentarima Ira.

I LUKASI 6:16

i Yudasi anano i Yakobu, ka i Yudasi Karioti anu lembuino meweengako Ira i Yesu.

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 14:22

I Yudasi, anu komba Karioti, motaeako Ira, ”Ue, hapake pu'uno ka Komiu mepokomengkaa ndi omami, ka komba a wawontolino?”

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 17:15

Komba Ku'emao, ka I'ala ira inso i wawontolino, sine ka Idagai ira inso ndi mosa'o.

I YOHANE 17:17

Ipokomempori iramo a laro menteea; pau-Miu onaemo menteea.

I YOHANE 17:19

ka hangano ondae Kupokomemporio koroi-Ku, ka domempinokomempori koa mbo'u a menteea.

I YOHANE 6:39

Ka ndiomo po'ehe-Do anu tumena Akumo, onaemo inso a luwuno anu Dowee Akumo ka si hina anu tetadi, sine ka Kuwangu ira a oleo pokotampulaano wawontolino.

WINEWEUDO TINENA 1:13

Mansado mehawe a ngkota, mpewuatako iramo a bolongko i wawono, po'iangado mperato. Ondae atuu onaemo i Peturu ka i Yohane, i Yakobu ka i Andarea, i Pilipu ka i Toma, i Batolomeu ka i Matiu, i Yakobu anano i Alipeu, ka i Simo to Seloti ka i Yudasi anano i Yakobu.

WINEWEUDO TINENA 20:32

Ka kanandio-andio kupeweengakomiu ndi Ondae i Ue ka a mpau pompehohawa-Do, anu pabawa wangu komiu ka moweeakomiu tia anu pinakosiako luwuno mia anu Dopokomemporiomo.

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 1:6

Omiu mbo'u tewinso saru ondae, omiu anu mempinoboi komiumo gagi mia-Do i Kerisituu.

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 8:30

Ka ondae anu pinakosi-Do se'eluno, ondae koa mbo'u pinoboi-Do. Ka ondae anu pinoboi-Do, ondae koa mbo'u pinokomentee-Do. Ka ondae anu pinokomentee-Do, ondae koa mbo'u pinokomaramba-Do.

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

YAKOBU 1:1

Tabea inso ndi Yakobu, tetenaa-Do Ue Ala ka Ondae i Yesu Kerisituu, hawe a hopulu ka orua suku a mpelakopia.

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

YUDASI 1:21

Impekariaomo koroimiu kanandio a laro pompehohawa-Do Ue Ala saru mensikorio pe'aroa-Do Ueto, i Yesu Kerisituu, tiano tuwua anu nahina tampulaano.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.