Yosua 9:15 - Wunta Mempori

¹⁵ Ka i'amba i Yosua moweweu pesintuwua ka pedandia saru ondae, nine ta mo'inee ira mentuwu; ka petewawa bawaa atuu mpesumpa ndi ondae.

Yosua 9:15 ပူးပေါင်းရင်းမြစ်များ

2 Samueli 21:2

Ka i'amba mokole moboi ira to Gibeo ka ipotaeako ira. To Gibeo atuu nahi dontewinso to Isaraeli, sine tewinso a toreado to Amori ka maupo to Isaraeli mpesumpa iramo ndi ondae, i Saulu montoo ta rumopu ira a laro po'anggaano gagi tiado to Isaraeli ka Yehuda.

Peluarakoa 23:32

Si mpoweweu pedandia saru ondae ke maupo saru lahumoado.

Yosua 10:1

Mansano irongeo i Adoni-Sede mokole Yerusale, motae irontuoomo i Yosua kota Ai ka iropuo, kana anu iweweuo Yeriko ka a mokoleno, kanatuukoa mbo'u iweweuo kota Ai ka mokoleno, ka nto Gibeo mpoweweu ira pesintuwua saru to Isaraeli ka mpo'ia ira i olodo,

Yosua 10:4

”Ime'aiwamo ndi ongkue ka imentulungi aku, ka tomensapoio Gibeo, nde moweweuomo pesintuwua saru i Yosua ka to Isaraeli.”

Yosua 11:19

Nahina maupo te'asa kota anu mesambe'eako ira to Isaraeli, sangkadio to Hewi anu mpo'ia i Gibeo. Luwuno atuu domerontuo a mpeteaa.

Yosua 9:16

Sine mansano laloomo otolu oleo, umarido mpedandi to Isaraeli ka mia atuudo, domerongeomo motae mia atuudo po'ia ira umpeda ndi ondae, ka mpo'ia ira i olodo.