Yosua 9:14 - Wunta Mempori

¹⁴ Dome'alao to Isaraeli kaangado mia atuudo, sine nahi dompo'ema pontiso-Do i Ue.

Yosua 9:14 ပူးပေါင်းရင်းမြစ်များ

2 Samueli 2:1

Ba'opia tempo lembuino, i Daudi mo'ema pontiso ndi Ondae i Ue, ”Asalakono aku lumako ke a aasa kota i Yehuda?” Pau-Do i Ue ndi onae, ”Lakomo.” Motaeomo i Daudi, ”Isuake asalakono ba kulako?” Pau-Do, ”i Heberoni.”

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

Esera 8:21

Ka i'amba i ra'ai, i wiwi ngkorono Ahawa atuu, kupopoto'orio puasa ka kimpe'urumako i aro-Do Ue Ala mami ka mo'ema ndi Ondae ka Dokongkomi kami a pelempaa saru sombori mami ka luwuno arataa mami.

Peluarakoa 28:30

Asalakono naao Urimi ka Tumimi i larono tutuwi rada po'alaa pomputusi, kai kongko oruano a radano i Haruni tempono ipewinso me'aro ndi Ondae i Ue. Asalakono iwawao mpiha i Haruni a radano parewa po'alaa pomputusi atuu a nto Isaraeli, i aro-Do i Ue.

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

Yosua 9:13

Ndio ponaapa mami anggoro, da wo'ohu tempono kime'ihiio, sine kanandio teberiomo; ndio sangka ka sandala mami mosa'oomo luwu hangano pelempaa mami tedoa olai.”

Puu Mpobitara 1:1

Mansano mate i Yosua, mpesisikeno iramo to Isaraeli ndi Ondae i Ue, ”Isema ke anu i olo mami ta tese'elu umaropi ira to Kana'a mpe'iwaliako ira?”

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

1 Samueli 22:10

Onae mo'emaakono i Daudi pontiso ndi Ondae i Ue, ka moweeakono bakuno, ka ponaino i Golia, to Pelisiti atuu iweeakono.”