Yosua 9:1 - Wunta Mempori

¹ Mansado merongeo mokole i sumooano oleo i asa towano koro Yarade, ia mentorukuno, ia pongkuno wita, ia tompaano wiwi ntahi langkai hawe i asa mbalino torukuno Libano, po'iangaado mokoledo to Heti, to Amori, to Kana'a, to Perisi, to Hewi ka to Yebusi,

Yosua 9:1 ပူးပေါင်းရင်းမြစ်များ

2 Samueli 24:7

Inso i ra'ai mehawe iramo i Tirusi, kota bente, saru a luwuno kotado to Hewi ka to Kana'a, ka i'amba pokotompaano i Bereseba, i selatano Yehuda.

Peluarakoa 23:23

Hangano mala'eka-Ku ta melempa i aromiu ka wawa komiu a witado to Amori, to Heti, to Perisi, to Kana'a, to Hewi ka to Yebusi, ka Aku mokotampula ira.

Peluarakoa 23:31

Aku patotoo tida wita miu inso a ntahi Teberau hawe a ntahi Pelisiti ka inso i pada one hawe i koro Eparata, nde Aku meweengako ira palili i wita atuu a ngkaemiu, ka imensaari ira inso ndi omiu.

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 34:11

Sine omue, pe'inimo a anu Kutenaakomu oleo andio. Kitao, Aku sumaari ira inso i aromiu, to Amori, to Kana'a, to Heti, to Perisi, to Hewi ka to Yebusi.

Podoaa 13:29

To Amale mpo'ia i Wita Nege, to Heti, to Yebusi ka to Amori mpo'ia i mentorukuno, to Kana'a mpo'ia i asa ngkeu wiwi ntahi ka i asa ngkeu wiwi ngkoro Yarade.”

Podoaa 34:6

Tidamiu i sumooano oleo: Tahi Langkai ka wiwino; onaemo atuu tidamiu i sumooano oleo.

Winali 1:7

Impelungkamo ka imelakomo a mentorukuno witado to Amori ka a luwuno daera petengi-tengino i Araba-Yarade, i Mentorukuno, i Sepela, i Wita Nege ka i wiwi ntahi, onaemo witado to Kana'a, imelako mbo'u i Libano hawe a ngkoro Eparata, korono anu langkai atuu.

Winali 3:25

Ipo'inee akumo mesakiako ka kumitao wita anu moiko anu i asatowano Koro Yarade, wita mentorukuno anu moiko atuu, ka Libano.”

Winali 4:49

saru luwuno lembono i asatowano Koro Yarade, i sabaano oleo, hawe i Tahi Araba, a mpuu Torukuno Pisiga.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 1:15

ranta Ondae i Ue moweeako ira rodoa ia pepaekompomiu kanakoa mbo'u ndi omiu, ka ira mbo'u impo'iangario inia anu ta weeako ira i Ue, Ue Alamu. Umari atuu moikoomo impekule i inia miu ka impo'iangario anu iweakomiu i Musa tetenaa-Do i Ue atuu i asatowano koro Yarade, te'alaako i sabaano oleo.”

Yosua 1:4

Inso i pada one ka torukuno Libano anu i asambalino atuu hawe ia ngkorono langkai, onaemo Koro Eparata, luwuno witado to Heti, hawe ia Ntahi Langkai i sookano oleo, luwuakoano atuu ta gagi witamu.

Yosua 10:23

Kanatuumo domeweweuo mia tinena atuu. Doluarako ira olima mokole atuu inso ia laro aa, ka dowawa ira ndi onae: Mokole Yerusale, mokole Hebero, mokole Yaramu, mokole Lakisi ka mokole Egelo.

Yosua 11:17

mompu'u inso ia ntorukuno Gundu, anu morake lumako i Seiri, hawe i Baala-Gadi i lembono torukuno Libano, ia pu'uno torukuno Heremoni. Irako ira luwu mokoledo ka ipepate ira.

Yosua 13:5

Ka i'amba witado to Gebali, ka luwuno mentorukuno Libano i sabaano oleo, mompu'u inso i Ba'ala-Gadi i pu'uno Torukuno Heremoni hawe ia nsala anu tetutu i Hamati;

Yosua 15:12

Tida i sumooano oleo onaemo Tahi Molue ka wiwino tahi. I tu'aimo insoano luwuno tida wita inuleno i Yehuda montonda pepe'etuado.

Yosua 22:4

Sine kanandio-andio Ondae i Ue, Ue Alamu, Dopoweeako iramo rodoa ndi ondae pe'etumu, kana anu Dodandiako ira i Ue ndi ondae. Onaemo ka impekulemo ia kema miu, i wita miu, anu Doweeakomiumo i Musa, tetenaa-Do i asa towano Yarade.

Yosua 22:7

A tongku Manase anu asantia iweeako iramo i Musa tiado i Basani; a tongku anu asantia mbo'u, iweeako iramo i Yosua tiado i olodo pe'etudo te'alaako ia sumooano oleo Koro Yarade. Ka itena iramo mbo'u ka domelako ia kemado umarino rumonso ira,

Yosua 23:4

Impewowoloo, kutiaakomiumo mesala ia undi, luwuno tongku anu da tebinta atuu gagi pusakamiu montonda luwuno tongkumiu, kanakoa mbo'u luwuno tongku anu kuropu iramo atuu, mompu'u a koro Yarade hawe i Tahi Molue te'alaako i sumooano oleo.

Yosua 24:11

Mansamiu mpesakiako ia koro Yarade ka hawe i Yeriko, mpe'iwali komiumo ka to Yeriko, to Amori, to Perisi, to Kana'a, to Heti, to Girigasi, to Hewi, to Yebusi, sine ondae atuu Kupeweengako ira ia ngkaemiu.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Yosua 3:17

Sine sando mpesomba mpontande burua pedandia-Do i Ue atuu kongkodo mpetade ia wita motu'i, i tongano koro Yarade, ka luwudo to Isaraeli mpesakiako ira ia wita motu'i, ranta luwudo tongku atuu pokompesakiako ira ia koro Yarade.

Yosua 5:1

I tempono luwudo Mokole to Amori anu mpo'ia i sumooano oleo koro Yarade ka luwuno mokoledo to Kana'a ia wiwi ntahi, motae Ondae i Ue mokomo'areo koro Yarade i arodo to Isaraeli, onae ka dompokompesakiako, molusaomo aroado ka nami hina sumangado ira mpe'iwaliako ira to Isaraeli.

Yosua 6:27

Ka Ondae i Ue kumongkomio i Yosua, ka teleleomo ia luwuno inia atuu.

Yosua 9:7

Sine mpotae ira to Isaraeli a nto Hewi atuu, ”Bara'ura omiu andio mpo'ia komiu i olo mami, kana'umpe ntu'u kami mpoweweu pedandia saru omiu?”