Yosua 8:31 - Wunta Mempori

³¹ kana anu itenaakono i Musa, tetenaa-Do i Ue, a nto Isaraeli montonda anu teburi a wuntano i Musa; asa meda te'inso ia watu anu nahi tinaha, anu nahi wineweuako labu hapamokoa. I wawono dompotunu pinotuwu pesomba ndi Ondae i Ue, pesomba tetolosia.

Yosua 8:31 ပူးပေါင်းရင်းမြစ်များ

2 Mokole 14:6

Sine luwuno anado puu mpopepate atuu nahi huku mate ira, kana anu teburi a wunta songka Taurano i Musa, kana peparenta-Do i Ue, ”Si mehuku mateo ama hangano anano, ka anano mbo'u si hinuku mate hangano amano, tendeano sompo mia asalakono hinuku mate hangano halano onaeno.”

2 Mokole 22:8

Sando mpesomba langkai Hilikia motaeakono i Sapani, puu mpoburi a poparentaa, ”Wunta songka Taura atuu kuhaweomo a raha-Do i Ue!” Ka i'amba wunta atuu ipeweengakono i Hilikia ndi Sapani ka ibasao i Sapani.

2 Tawarika 25:4

Sine luwuno anado nahi huku mate ira. Onae moweweu menunu saru hapa anu teburi a laro songka, a laro wuntano i Musa, kana parenta-Do i Ue, ”Ama kasi mate hangano anano, osi'i mbo'u ana mate hangano amano, tendeano sompo mia asalakono mate hangano halano onaeno.”

2 Tawarika 35:12

Ka do'amba mponsiao pesomba tinunu anu ta pineweengako mia anu komba to Lewi montonda petiaa a mpepe'etuado, ka ipinesombaako ndi Ondae i Ue kana anu teburi a laro wuntano i Musa. Kanatuu koa mbo'u domeweweuo a luwuno sapi.

Esera 6:18

Luwuno sando mpesomba domenaa ira montonda tetia-tiano ka to Lewi montonda luwuno bawaado a mpoweweua pesomba ndi Ondae Ue Ala anu mo'ia i Yerusale, kana anu teburi a Wuntano i Musa.

Nehemia 13:1

I tempo atuu wuntano i Musa binasa kadomerongeo palili ka hinawe teburi i larono, nine nahi ta hori hina to Amoni ka to Moabi anu inehe mewinso bawaa-Do Ue Ala.

Peluarakoa 18:12

Umarino atuu i Yitiro, ponino i Musa, mompesombaako pesomba tinunu ka ba opia pesomba sinumbele ndi Ondae Ue Ala. I Haruni ka luwuno mia memota'u Isaraeli me'aiwa mpongkaa mperonga-ronga saru ponino i Musa i aro-Do Ue Ala.

Peluarakoa 24:5

Ka i'amba tumena ira mia mongura inso a tongku Isaraeli, ka dompopesombaako pesomba tinunu ka mposumbele ba te'opia sapi laki gagi pesomba tekaduduia ndi Ondae i Ue

I MATIU 12:26

Kanatuu koa mbo'u tewala i Mosa'o sumaario i Mosa'o, onae mbo'u tetia-tia ka umewaio koroino onaeno; kana'umpeke poparentaano ka ipokompo'ia mpiha?

Winali 27:2

A oleo imensakio Koro Yarade melako a wita anu Doweeakomiu i Ue, Ue Alamiu, omiu asalakono mpontade ira watu melolangkai, ka imengkapuruo.

Winali 27:8

Umarino atuu, asalakono imeburio a luwuno watu atuu luwuno pauno songka Taura andio temengkaa ntu'u.”

Yosua 1:8

Sitekolupe popauo wunta Taura andio, sine penootio ia meene ka woongi, ka upompe'inandai koa melelu montonda luwuno anu teburi ilarono, nde ba kanandio pelempamu ta moiko ka kome'ura.