Yosua 8:2 - Wunta Mempori

² ka uweweuo i kota Ai ka mokoleno, kana uweweuo Yeriko ka mokoleno; butu sangka, ka pinotuwudo anu moiko impomuruo. Tena ira miamu mpewuni i bungkuno inia.”

Yosua 8:2 ပူးပေါင်းရင်းမြစ်များ

2 Tawarika 13:13

Sine i Yerobea parenta ira asa bawaa sorodadu pontowoki melimbuo ka mensapoi ira inso i bungkudo, ranta sorodaduno mo'ia i arono Yehuda ka luwuno sorodadu pontowoki i bungkudo.

2 Tawarika 20:22

Mansado mpopu'u mpebo-booli ka mpenaniako penani po'unde-unde, Doweweuomo i Ue pesapoia a inuleno Amoni ka i Moabi, ka luwuno mia inso i mentorukuno Seiri, anu mingki sumapoio Yehuda, ranta ka dontenangi.

Po'unde-unde 39:6

Kitao, butu ba opia otuwe koa Itantuio tinuwuku; ka tempo tumuwuku kana mooa i aro-Miu. Oo, mia butu tuwu tempono hinao penaano! Sela

Powadi 13:22

Mia moiko mobinta pusaka tiado inuleno, sine kaeano mia tehala ninaa tiano mia mentee.

Powadi 28:20

Mia anu pine'ala-ala mohawe hadio ronso, sine mia anu ineheno ronga kaea, nahi ta tola inso a mpohuku.

Yeremia 17:11

Kana torato anu mo'opoti nahi pesu'uluiakono, kanatuumo mia anu mopumpu kaea anu komba tiano. A entongano tinuwuno onae ta tetadi luwu, ka a tompaano tinuwuno onae butumo koa asa mia nahi montaso pinewowolono.

Yeremia 51:12

Tandeako iramo bandera luwuno rere watuno Babeli, pokorosoomo podagaia! Naa iramo puu mpodagai, patindaomo pontowokia! Hangano, Dosongkaomo i Ue ka weweuo mbo'u hapa anu pinau-Do te'aro a mpalilino Babeli.

Winali 2:35

Butu pinotuwu anu rinontuto gagi tiato, saru mbo'u pinomuru inso a luwuno kota anu tompoko'alao.

Winali 20:14

Butu luwuno pinoburu moiko beine, ka nana'ote, maupo pinotuwu ka luwuno anu hina i kota atuu, imerontuomo gagi tiamiu. Pinomuru inso a iwalimiu atuu, anu Doweeakomiu i Ue, Ue Alamiu, moiko upakeo.

Winali 3:2

Sine mepau Ira i Ue ndi ongkue, ”Si doitoakono, hangano Aku meweengakono a ngkaemu, saru luwuno sorodaduno ka witano. Weweuomo kana anu wineweumu ndi Sihono, mokoledo to Amori, anu mo'ia i Hesiboni.”

Yosua 10:1

Mansano irongeo i Adoni-Sede mokole Yerusale, motae irontuoomo i Yosua kota Ai ka iropuo, kana anu iweweuo Yeriko ka a mokoleno, kanatuukoa mbo'u iweweuo kota Ai ka mokoleno, ka nto Gibeo mpoweweu ira pesintuwua saru to Isaraeli ka mpo'ia ira i olodo,

Yosua 10:28

I oleo koa atuu i Yosua ipoko'alao kota Makeda, ihino inia ipepateako ira ponai, kanatuu koa mbo'u mokoledo, luwuno anu tuwu ipepate ira nahina maupo te'asa mia anu tola ka mokole Makeda wineweu kana mokoledo to Yeriko.

Yosua 11:14

Luwuno sangka ka pinotuwu anu laro kota atuu, dompomuru iramo to Isaraeli. Sine luwuno mia dompepateako ira ponai, nahina anu tepo'ia tuwu, inso ia luwuakoano anu hinao penaano.

Yosua 6:21

Dompepateako ira ponai, tama ka beine, mia mota'u ka mia mongura, ka io pinotuwudo, sapi, bimba, ka kalide.

Yosua 8:12

I biniki iramo i Yosua bara'ura lima nsowu mia, itena ira mpewuni i olono Beteli ka Ai, i sumooano oleo kota atuu.

Yosua 8:14

Da mo'oru, mansano mokole Ai kumitao mongkona atuu, onae ka luwuno palilino, luwuno mia i kota Ai, tumampu'u mpeluarako mpeteako ira to Isaraeli, a korimbino lembono; mokole atuu nahi to'orio nine hinao mia mpewuni i bungkuno kota.

Yosua 8:19

Mansano tumandeo kaeno, mpentade iramo luwu mia anu mpewuni, mpelulu mpewinsokio inia, mpetorokio, ka domentunuo inia atuu.

Yosua 8:24

Umarido to Isaraeli mepate ira luwu mia i kota Ai a ntonga mpada, isua dolulu ira to Isaraeli, luwudo mateako mata mponai hawe a mia anu pokotompaano. Luwudo to Isaraeli mpekule i kota Ai ka donangiako ira ponai.

Yosua 8:3

Mepatindaomo i Yosua saru luwuno sorodaduno lumako i kota Ai. Ibiniki iramo i Yosua tolu pulu nsowu mia, luwuno pongkiari anu moroso ntu'u, itena ira melako ia wongi atuu.

Yosua 8:7

ka omiu impeluarakomo te'inso ia mpewunia miu melako sumapoio i kota Ai. Ka Ondae i Ue, Ue Alamiu, Ira meweengakono a ngkaemiu.

Yosua 8:8

Sa'umarimiu menangio inia atuu imentunuo; luwuakoano imeweweuo kana pau-Do i Ue, ka imento'orio motae, onaemo petenaku ndi omiu.”

Yosua 8:9

Kanandiomo i Yosua tumena ira melako, melako iramo mpelempa a mpewuniado mpo'ia i olono Beteli ka Ai, a sumooano oleo i kota Ai. Sine i Yosua merato i olono palilino ia wongi atuu.

Yosua 9:3

Sine mansado merongeo palilido to Gibeo, hapa anu wineweuno i Yosua i kota Yeriko ka Ai,