Yosua 8:1 - Wunta Mempori

¹ Mepau Iramo Ondae i Ue ndi Yosua, ”Sidoito kasi molusa aroamu. Wawa iramo luwuno sorodadu, impepatinda, imelako i kota Ai. Ka uto'orio, Aku meweengakono ndi omiu i kota Ai, mokoleno, palilino,

Yosua 8:1 ပူးပေါင်းရင်းမြစ်များ

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Po'unde-unde 44:3

Saru kae-Miu isa'a Isaari iramo tongku, ka Itano ira; Isolangi ira suku tongku, Ipo'inee ira ntetiangi.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yeremia 46:27

Ka omue, siimo doito, hei tetenaa-Ku Yako, siimo doito, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso a mpo'iangado mentinadi. I Yako ta mekule ka tuwu sanaa ka roodo, nahina mompokodoito.

Yeremia 49:3

Ponsabangimo, hei Hesiboni, hangano anu momperawo-rawo lumakoomo monsapoi, impeboolimo, hei ana beineno i Raba, pokonaomo sawu po'inombo, impo'inombomo, impelempamo telimbu saru mobela sinoreki, hangano i Milikomi ta lumako a pontadia meronga luwuno sando mpesomba ka mia pinemota'uno.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:35

Luwuno palilino tolino pine'uru-uru; Ondae moweweu montonda po'ehe-Do a nsorodadu i langi ka palilino tolino. Nahina maupo te'asa mia polio umontoo kae-Do saru motae ndi Ondae, ”Hapa wineweu-Miu?”

I MATIU 8:26

Dopotaeako ira, ”Tembio ka imedoito, omiu anu kodei pompe'ala-alamiu?” Ka Do'amba mewangu i Yesu ka Dokuahakono angi ka rano atuu, onaemo ka igagi temonto ntu'u rano atuu.

Winali 1:21

Kitaomo, Ondae i Ue, Ue Alamiu mopokitao wita atuu i aromiu. Imelako ka impetorokiomo, kana anu Dopauakomiu i Ue, Ue Alado uempu'umiu. Si medoito ka si ntelusa aroa.”

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 10:7

Lumakoomo i Yosua inso i Giliga, onae ka luwudo sorodadu anu merongaakono, luwudo pongkiari anu moroso ntu'u.

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 2:24

Dompotae ndi Yosua, ”Ondae i Ue dopewengakonomo luwuno inia ndi'ai a ngkaeto, ka luwuno palili i inia atuu medoito ira umaropi kita.”

Yosua 6:2

Mepau Iramo i Ue ndi Yosua, ”Kitaomo, Aku moweeko inia Yeriko saru mokoleno ka pongkiarino anu moroso ntu'u.

Yosua 7:9

Nde ba domerongeo to Kana'a ka luwuno palili i wita andio, iramo sumapoi kami ka dome'upu kami luwu inso i wawontolino andio. Ka hapa ta wineweu Miu kai tepokule nee Miu, nee Miu anu langkai?”