Yosua 7:21 - Wunta Mempori

²¹ Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”

Yosua 7:21 ပူးပေါင်းရင်းမြစ်များ

Tegagia 10:10

A pompu'uano poparentaano onaemo Babeli, Ereki, ka Akadi, luwuno i wita Sineari.

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

Tegagia 34:27

Ka i'amba mehawe iramo anano i Yako merontuo arataado mia anu mempinepate atuu, ka dompomuruo kota atuu, hangano sinosa'aiomo uaido.

Tegagia 6:2

luwuno anu tuwu i suruga mengkitao nine ana beinedo mia atuu ntekokosi. Ka i'amba inso i olodo beine atuudo ondae mpo'ala gagi beinedo, isemamo koa anu inehedo.

2 Samueli 11:2

Pohona tempono ngkiniwia, i Daudi mewangu inso a mpoturiano, ka i'amba melempa-lempa a dunsino langkanae. Ikitao inso a dunsi atuu aasa beine tekonai medolo. Beine atuu tedoa tekosi.

2 Mokole 7:8

Luwudo mia anu mahaki ngkuli atuu mehawe a ntidano pekemaa, ka mpewinso i larono asa kema, ka do'amba mpongkaa ka mpo'inu. Umarino atuu dompeteoo inso i ra'ai wulaa, salaka, ka sangka, ka domelako mewumio. Ka do'amba mpekule, mpewinso a laro ngkema anu susua, ka dompenteoo mbo'u luwuno sangka inso i ra'ai, ka domelako mewunio.

Ayubi 31:1

”Moweweu akumo dandi a mataku, kana'umpe ka aku mompekokoongako ana beine?

Po'unde-unde 119:37

Ilimbaomo pengkitaku inso a hapa anu nahina tuduno, Iweweu akumo tuwu a mpo'ehe-Miu!

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Powadi 1:19

Kanatuumo poko'ariano sompo mia anu modokoako me'uraa nahi pototono, me'uraa atuu umalao penaano anu me'ueo.

Powadi 23:31

Si kitao anggoro butu hangano motaha, mangkilo a laro sangkiri, ka waa mewinso saru menami,

Powadi 28:22

Mia anu mo'uri madara mo'ungke arataa, ka nahi to'orio nine onae ta umaluo makuraa.

Powadi 4:23

Aroamu dagaiakonomo luwuno petangkoro, hangano insomo i ra'ai tepansari tuwua.

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 29:15

Masola ntu'u mia anu wunio tedoa ondalo tinoono ndi Ondae i Ue, anu luwuno inanggano iweweuo a laro wongi-wongi saru motae, ”Isemake anu kumita kami ka isemake anu tumo'ori kami?”

Habaku 2:9

Masola ntu'u mia mo'ala ura anu nahi moleo pesalaano ta pakeano i rahano, ta numaao senono a mpo'ianga anu mantande, ka itola inso a masolaa!

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 12:2

Nahina maupo te'asa anu tetutuwi anu nahi ta inungkahi ka nahina maupo te'asa anu tewuni anu nahi ta tino'ori.

EPESU 5:3

Sine pebelesua ka mperupa-rupa mokoburua ke modoko maupo pinewua i olomiu osi'i, kana pototodo mia memempori.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

IBARANI 13:5

Si megagi atano doi ka impesompoomo hapa anu hina ndi omiu. Hangano Ondae Ue Ala mepau Iramo, ”Naahi ntu'u Aku mo'ineeko ka naahi ntu'u Aku bintako.”

YAKOBU 1:15

Ka tewala mosisiri atuu mentiaomo, onae me'anaako hala; ka te wala hala atuu langkaiomo, onae me'anaako matea.

Yosua 7:20

Sumangki i Akani ndi Yosua, ipotae, ”Mentee, ongkuemo anu tehala ndi Ondae i Ue, Ue Alado to Isaraeli, nde kanandiomo wineweuku:

Yosua 7:22

Montenaomo mia i Yosua lumako ia kema, ka menteeomo, luwuno atuu winuni a kemano i Akani, ka salaka i totono ntu'u.

2 PETURU 2:15

Hangano domebintaomo pesalaa anu mentee, onaemo ka dontesaa, ka do'amba mentondao pesalaano i Bilea, anano i Beori, anu ineheno montarima tambo a luwuno wineweu anu mosa'o.