Yosua 7:12 - Wunta Mempori

¹² Onaemo ka to Isaraeli nahi dompoko'aropi ira iwalido. Dompebungkui ira iwalido nde ondae atuu lano pinesusua iramo anu ira mempinepate. Komba aku kumongkomiko mbo'u ba sangka anu pinakosi atuu nahi pinokotampula inso i olomiu.

Yosua 7:12 ပူးပေါင်းရင်းမြစ်များ

Po'unde-unde 44:10

Sine Itadi kamimo ka mo'inee kami mempinokoko'ii, Omiu nahi lako meronga bawaano sorodadumami.

Po'unde-unde 60:10

Moabi onaemo pewo'ohia-Ku, ndi Edomi kupetadiakono solopi-Ku, hangano Pelisitea Kukokora-kora mo'unde.”

Powadi 28:1

Mia mosa'o gauno molai maupo nahina anu lumuluo, sine mia mentee mosia kana singa mongura.

Yesaya 59:2

Sine, wineweumumo mosa'o anu monsiako inso ndi Ondae Ue Alamiu ka halamumo anu weweuo rupa-Do tewuni inso ndi omiu, ranta ka nahi Dorongeo.

Yeremia 23:33

Tewala tongku andio, ke nabi, ke sando mpesomba mpesikeno ndi omue: Hapake pinau-Do anu pabawa anu pinopotembi-Do i Ue? sangki iramo: Omiumo tinembi atuu! Onaemo pu'uno Aku tumadi komiu inso i aro-Ku, kanandiomo pau-Do i Ue.

Yeremia 6:8

Tarimaomo pohuku, hei Yerusale, ka si Kubintako, ka si Kuweweuko boni-boni, gagi wita anu nahina palilino!”

Hosea 9:12

Maupo dompokolangkai ira anado, Aku weweu ira ka dontetadi luwu anado. Mentee ntu'u, memasola iramo i tempono Ku'olai inso ndi ondae!

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Podoaa 14:39

Mansano mohaweo i Musa pau andio a luwuno to Isaraeli, tongku atuu tedoa mpompemasusa.

Podoaa 14:42

Siimo imelako, hangano Ondae i Ue nahi Ira kongko i tonga-tongamiu, kasi donangi komiu iwalimiu.

Podoaa 14:43

Mentee ntu'u, to Amale ka to Kana'a mekongko ira i ra'ai i aromiu ka komiu memateako ponai. Hangano mpewolili komiu mebungkui Ira i Ue, ka Ondae i Ue nahi Ira kumongkomi komiu.”

Podoaa 14:45

Ka i'amba mpetii iramo to Amale ka to Kana'a anu mpo'iangario mentorukuno atuu ka do'amba mposapoi ka sumiarawo ira hawe i Horoma.

Winali 7:26

Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

Yosua 6:18

Sine omiu, dagaio koroimiu, inso ia sangka anu ta pinokoropu, sii mpo'ala sangka anu pinakosiomo atuu, kasi hangano onae po'iangado to Isaraeli ta pinokoropu.

Puu Mpobitara 16:20

Mebooliomo beine atuu, ”To Pelisiti ira merakoko, Simeso!” Mekaangakoomo i Simeso inso ia mpoturiano; pompewowolono, ”Kana anu se'eluno, aku koa mokompepalu ka kutola.” Sine nahi pokonto'orio nine Dobintaomo i Ue.

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

Puu Mpobitara 2:4

Umarino Mala'eka-Do i Ue mepau kona pau-Do atuu ia luwuno to Isaraeli, mpengese iramo tongku atuu tedoa meroku.

1 Samueli 14:38

Ka i'amba motae i Saulu, ”Luwuno petewawa palili ime'aiwa i ndi'ai. Impepenteeo, hala hapa anu wineweu oleo andio ka igagi kanandio.