Yosua 6:5 - Wunta Mempori

⁵ Tewala tawuwua tandu bimba melai unino, mansano imerongeo unino tawuwua, luwuno tongku atuu ka impebooli meroku, gagi rere watu ta tehoa, ka i'amba mempomaruo sompo mia tetutu lumako i arono.”

Yosua 6:5 ပူးပေါင်းရင်းမြစ်များ

Peluarakoa 19:19

Unino tawuwua kotehi-tehineno komero-merokuno. I Musa mepau, Ondae Ue Ala sumangki a laro rundu.

Yesaya 25:12

Luwuno bente rere watumu anu mantande Ira mobangkuo, Doweweuo merete saru wita, hawe ka ipowoo pampawu.

Yesaya 30:25

I wawono sompo torukuno anu mantande ka sompo pongku anu telanso ta mompowaa uwoi a oleo pompepatea anu langkai, tempono dontehoa menara.

Yeremia 50:15

Peboolimo sapoio inso a luwuno siuno! Onae metenangiomo, luwuno benteno ntebangkuomo, luwuno rere watudo tehoaomo! Mentee ntu'u, onaemo pombalo-Do i Ue! Weweuomo pombaloa ndi onae, weweuomo ndi onae kana anu umari wineweuno!

IBARANI 11:30

Hangano pompe'ala-ala ka itehoa luwu rere watuno Yeriko, mansano kota atuu tinanggolili opitu oleo tehineno.

Yosua 6:16

Anu kopepintuno, sando mpesomba domempuuriomo sangkakala, mepauomo i Yosua ia tongku atuu, ”Impeboolimo, nde Ondae i Ue Dopeweengakonomo inia andio ndi omiu!

Yosua 6:20

Mpebooli iramo to Isaraeli, ka mpopuuri tawuwua, mansado merongeo unino tawuwua mpebooli iramo to Isaraeli tedoa meroku. Tehoaomo bente Yeriko, mpomaru ia bente mpewinso ia kota, ka dompoko'alao kota atuu.

Yosua 6:4

ka opitu ira sando mpesomba mpowawa tawuwua tandu bimba i arono burua pedandia. Sine i oleo ko'opitu, pepintu imebolilio kota atuu, ka sando mpesomba mpopuuri tawuwua.

Yosua 6:6

Ka i'amba i Yosua anano i Nunu moboi ira luwuno sando mpesomba ka ipepauako ira, ”Imentandeomo burua pedandia atuu ka opitu mia mpowawa opitu tawuwua tandu bimba i arono burua-Do i Ue.”

Puu Mpobitara 20:37

Mpopari-pari iramo mensapoio Gibea. Melako iramo sumapoio luwuno kota mompake ponai.

1 Samueli 17:20

Da mo'oru mewanguomo i Daudi ka ipeweengakono bimbano a asa mia puu mpodagai. Lumakoomo i Daudi ka iwawao anu itenaakono i Isai. Kontongaado sorodadu mpeluarako mpo'atora baresido ka domengkora.

1 Samueli 17:52

Melako iramo to Isaraeli ka to Yehuda mengkokora-kora ka domelulu ira to Pelisiti ranta hawe umpeda i Gati ka a mpewowa langkai Ekoroni. To Pelisiti anu mempinepate tepopombole asa ngkeu sala te'aro i Sa'araimi, hawe i Gati ka Ekoroni.

1 Samueli 4:5

Haweno burua pedandia-Do i Ue a mpekemaa, mpebooli ira luwuno to Isaraeli, tedoa memawongko ranta rende wita.