Yosua 6:4 - Wunta Mempori

⁴ ka opitu ira sando mpesomba mpowawa tawuwua tandu bimba i arono burua pedandia. Sine i oleo ko'opitu, pepintu imebolilio kota atuu, ka sando mpesomba mpopuuri tawuwua.

Yosua 6:4 ပူးပေါင်းရင်းမြစ်များ

Tegagia 2:3

Ka Do'amba Ue Ala rumonsoo oleo ko'opitu atuu ka mokomemporio, hangano a oleomo atuu Dopenaa-naa inso a luwuno anggaa pompokogagia anu Doweweuomo.

1 Mokole 18:43

Umarino atuu ipotaeakono atano, ”Pewuatakomo, pengkitamo te'aro a ntahi.” Mewuatakoomo atano atuu ka ipengkita, ka i'amba motae, ”Nahina hapa-hapa.” Motae i Elia, ”Lako mbo'u tepohona.” Pepintu ipotaeakono i Elia kanatuu.

2 Mokole 5:10

I Elisa montena mia pauakono, ”Lakomo ka pedolomo pepitu a nkoro Yarade. Koroimu ta wali moiko ka kogagi tompa.”

2 Mokole 5:14

Ka i'amba metii mokuuo koroino pepitu a laro ngkoro Yarade, menunu saru pauno tetenaa-Do Ue Ala atuu. Koroino wali moiko kana koroino asa nana'ote kodei ka gagiomo tompa.

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

2 Tawarika 20:19

Ka i'amba to Lewi inso a inuleno i Keha ka inuleno i Kora mpentade ka dompenaniako penani umunde-unde Ira i Ue, Ue Alano i Isaraeli saru mpenani tedoa meroku.

2 Tawarika 20:21

Mansano umari teriso saru palili, itiso ira mia anu ira mpenaniako penani tia-Do i Ue ka umunde-unde Ira i Ue, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i Ue, menteeano ranta nahina tampulaano petenunu ka pompehohawa-Do!”

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Yesaya 27:13

I tempo atuu ta pinuuri tawuwua langkai, ka ira mehawe ondae anu ntetadi i wita Asiuri saru ondae anu mentinadi i wita Masiri ka dompenggolontu mpesomba ndi Ondae i Ue a ntorukuno anu mempori, i Yerusale.

Imama 14:16

i'emoo wungangkae koana a lana anu a pelengkae manggalino atuu ka metawisiako tedei lana atuu saru tonisono pepitu i aro-Do i Ue.

Imama 4:6

Sando mpesomba asalakono umemoo wunga ngkaeno a laro rea atuu ka itawisiakono tedei inso a rea atuu pepitu i aro-Do i Ue, i arono sawu pelingo po'oloti a mpo'ianga mempori.

Sakaria 4:2

Ipotae ndi ongkue, ”Hapa anu kinitamu?” Sangkiku, ”Kukitaomo asa hulu mengkaru, luwuno inso a wulaa, saru loea kodei ponaapa lana i wawono. A hulu mengkaru atuu hinao opitu pelita ka opitu po'iangano sumbu a sompo pelita anu i wawono.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

Podoaa 23:1

Ka i'amba motaeomo i Bilea ndi Bala, ”Wanguakunemo i ndi'ai opitu meda pontunua pesomba ka patindaakunemo i ndi'ai opitu sapi lakino ka opitu bimba lakino.”

Yosua 6:13

Mpelempa iramo mbo'u opitu sando mpesomba, anu mpowawa opitu tawuwua tandu bimba atuu i arono burua-Do i Ue kontongaado mpelempa, mpompuuri tawuwua. Sorodadu mpelemba i arodo ka baresi pokotompa tumondao burua pedandia-Do i Ue kongkono sangkakala pinuuri.

Yosua 6:3

Omue ka luwuno sorodadumu imentanggolilio kota atuu, tepohonamokoa. Kanandio uweweuo i larono onoo oleo,

Yosua 6:5

Tewala tawuwua tandu bimba melai unino, mansano imerongeo unino tawuwua, luwuno tongku atuu ka impebooli meroku, gagi rere watu ta tehoa, ka i'amba mempomaruo sompo mia tetutu lumako i arono.”

MENGKAAA 1:20

Ka rahasiano opitu anano wula anu ukitaomo a ngkae koana-Ku ka opitu karuno hulu wulaa atuu: opitu anano wula atuu onaemo mala'ekado opitu bawaa ka opitu karuno hulu atuu onaemo opitu bawaa.”

MENGKAAA 1:4

Inso ndi Yohane hawe a opitu bawaa anu i Asia Kodei: Pe'aroa ka rodoa kumongkomi komiu, inso ndi Ondae, anu kongko ka anu kongko Iramo ka anu Ira hawe, ka inso a opitu penaa anu kongko i arono kadera poparentaa-Do,

MENGKAAA 10:3

ka ipebooli saru suara meroku mengkena kana singa anu mengaoli. Ka umarino mebooli, opitu rundu atuu moporongeo suarano.

MENGKAAA 15:1

Ka kukitao aasa petondoni susua i langi, langkai ka kinohali-haliako: opitu mala'eka saru opitu masolaa poko'ariano, hangano saru atuu tompaanomo tekuda-Do Ue Ala.

MENGKAAA 15:7

Ka aasa inso a opaa anu tuwu atuu moweeako ira opitu mala'eka atuu opitu tonde inso a wulaa anu buke me'ihi tekuda-Do Ue Ala, onaemo Ondae Ue Ala anu tuwu ranta nahina tampulaano.

MENGKAAA 16:1

Ka kurongeo suara meroku inso a laro Raha Mempori motaeako ira mala'eka opitu atuu, ”Imelakomo ka ime'uwuomo opitu tonde tekuda-Do Ue Ala atuu i wawontolino.”

MENGKAAA 5:1

Ka kukitao a ngkae ngkoana-Do anu mentoro a wawo ngkadera poparentaa atuu, aasa paluluno wunta, anu binuri i larono ka i bungkuno ka tinondoniako opitu pontondoni.

MENGKAAA 5:6

Ka kukitao i tonga-tongano kadera poparentaa ka opaa anu tuwu atuu ka i tonga-tongado mia mempinemota'u atuudo mentade aasa Ana Bimba ka sinumbeleomo, metandu opitu ka memata opitu: onaemo atuu opitu Penaa-Do Ue Ala anu tinena i asa wawontolino.

MENGKAAA 8:2

Ka ku'amba kumitao opitu mala'eka, anu mpentade i aro-Do Ue Ala, ka ndi ondae wineeako opitu tawuwua.

MENGKAAA 8:6

Ka opitu mala'eka anu mpo'ini opitu tawuwua atuu mpepatinda ira mempuurio tawuwua.