Yosua 5:6 - Wunta Mempori

⁶ Nde patopulu nta'u tehineno to Isaraeli atuu dompelempa molaloo pada one, memate iramo luwu luwudo tongku atuu, onaemo sorodadu anu mpeluarako inso i Masiri, anu nahi domporonge pau-Do i Ue. Ndi ondae atuu Dosumpa iramo Ue, komba ira me'ineheako pewinso ia wita anu domedinandiako Ira i Ue saru mesumpa ndi ondae ue mpu'udo, ira mpeweengakono ndi ontae, wita anu tedoa hadio susu ka siu hoani.

Yosua 5:6 ပူးပေါင်းရင်းမြစ်များ

Po'unde-unde 107:4

Hinao ba'opia mia mpelakopi a mpada malua, pesalaa lumako a ngkota mpo'ianga nahi domehaweo;

Peluarakoa 3:17

Gagi mepau Akumo: Aku tumaatekomiu mpeluarako inso a marasaiamiu i wita Masiri lumako a witado to Kana'a, to Heti, to Amori, to Perisi, to Hewi ka to Yebusi, ia asa wita anu tedoa hadio ntu'u susu ka siu hoani.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yehesikieli 20:15

Ongkue mbo'u mesumpa ndi ondae i pada one, nine nahi Aku wawa ira mpewinso i wita anu Kuweeako iramo, anu hadio ntu'u susu ka siu hoanino, wita anu tekosi i olono luwuno wita.

Yehesikieli 20:6

A oleo atuu Ongkue mesumpa ndi ondae Aku wawa ira inso i wita Masiri lumako i wita anu Kubinikiako ira, wita anu hadio ntu'u susu ka siu hoanino, wita anu tekosi i olono luwuno wita.

Yoeli 3:18

Ia tempo atuu luwuno torukuno ta mompo'iti anggoro wo'ohu, luwuno pongku wita mompowaa susu, ka luwuno korono mo'are i Yehuda ta mompowaa uwoi; mata uwoi ta me'umbaako inso a raha-Do i Ue ka bahoo lembono Sitimi.

Podoaa 14:23

manasa nahi ta kumitao wita anu Kudandiakono sumpa ndi uempu'udo! Luwuno anu tumata Aku andio nahi ta kumitao.

Podoaa 26:63

Onaemo luwuno mia anu binurido i Musa ka sando mpesomba Eleasa, tempono doburi ira to Isaraeli i lembono Moabi i wiwino koro Yarade umpeda i Yeriko.

Winali 1:3

A ntanggala aasa wula hopulu ka aasa ta'u pato pulu, i Musa mepau a nto Isaraeli, menunu saru luwuno anu Doparentaakono i Ue ndi onae tiado.

Winali 2:14

Mpelempa kita mompu'u inso i Kadesi-Baranea hawe mensakio Korono Seredi, i larono tolu pulu ka oalu nta'u, ranta luwuno sorodadu atuu piingko memate inso a mpekema, kana anu pinau-Do i Ue saru sumpa ndi ondae.

Winali 2:7

Mentee ntu'u Ondae i Ue, Ue Alamiu rumonso komiu a laro luwuno inanggano kaemiu. Dokongkomi komiu a mpelempaamiu lumaloo pada one anu malua andio. I larono pato pulu nta'u andio Dokongkomi komiu i Ue, Ue Alamiu, ka nahina maupo hapa makuramiu.

Winali 8:4

Sangkamiu nahi gagi mosa'o a ngkoroimiu ka karumiu nahi gagi kamba i larono pato pulu nta'u andio.

IBARANI 3:11

onaemo ka Kupesumpa a laro ntekuda-Ku: Nahi ira mpewinso a mpo'ianga penaa-naaa-Ku.”

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Yosua 24:7

Mpebooli ira ndi Ondae i Ue, onaemo ka Dopokowongi-wongio olo miu ka to Masiri, ka Dopokonte'ilio tahi, ka domemate mo'opo. Imengkitaakonomo matamiu, hapa wineweu-Ku ia nto Masiri. Umari atuu mapata'u-ta'u tehineno impo'ia i pada one.

Yosua 5:5

Nde luwudo mia anu mpeluarako inso i wita Masiri mpentindi iramo, sine luwudo mia anu hina i pada one ia mpelempaado meluarako inso i Masiri, napi domentinindi.

Yosua 5:7

Sine anado anu ta umeu ira, ondaemo anu tinindino i Yosua, nde ondae napi dompetindi, ia mpelempaado.