Yosua 5:14 - Wunta Mempori

¹⁴ Sangkino, ”Naahi, sine ongkue andio Tadulako Balatantara-Do I Ue. Kanandio hawe akumo.” Menggolontuomo i Yosua ra'ino hawe ia wita, mesomba ka ipesikeno, ”Hapa anu ta pinaumiu ndi ongkue?”

Yosua 5:14 ပူးပေါင်းရင်းမြစ်များ

Tegagia 17:17

I Burahima metuudu. Onae mengingisi ka ipotae i aroano, ”Mentee koake asa nana'ote pine'anaako anano mia anu tinuwuno asa etu nta'u ka mentee koake i Sara, anu tinuwuno sio pulu nta'umo atuu me'anaakono asa nana'ote?”

Tegagia 17:3

Ka i'amba menggolontuomo mesomba i Burama, ka Ondae i Ue mepau ndi onae,

2 Samueli 7:19

Mongkona andio mbo'u da makura a pongkita-Miu, oo Ue Ala ranta mepau Komiu mbo'u mongkona somborino tetenaa-Miu a tempo anu da olai. Po'ineeomo andio gagi pontisodo mia, oo Ue Ala.

2 Samueli 7:20

Hapa mbo'u anu ta pinokopauno i Daudi ndi Omiu? Ito'orio tetenaa-Miu andio, oo Ue Ala?

Po'unde-unde 110:1

Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

Po'unde-unde 24:10

”Isemake Ondae, Mokole Marambaa atuu?” ”Ondae Ueno luwuakoano, Ondaemo Mokole Marambaa!” Sela

Peluarakoa 4:10

Ka i'amba i Musa motae ndi Ondae i Ue, ”Tabea-Miu, Ue, ongkue andio, mompu'u i ndi'ipua, ka maupo umari-Miu mepau ndi ongkue, tetenaa-Miu andio, nahi kupande mpau, hangano ongkue mobea elo, nahi magasi mepau.”

Peluarakoa 4:13

Sine i potae i Musa, ”Tabea-Miu Ue, Ipontenamo isemamo koa anu Komiu tumenao.”

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yesaya 6:8

Ka ku'amba rumongeo suara-Do i Ue mepau, ”Isemake anu Aku tumenao, ka isemake anu behe lumakoa Kita?” Sangkiku, ”Ndio aku, Itena akumo!”

Yehesikieli 3:23

Lumako akumo i lembono. Menteeano, maramba-Do i Ue tengkita i ra'ai kana maramba anu umari kinitaku umpeda a Ngkoro Kebari, ka ku'amba menggolontu mesomba.

Danieli 10:13

Petewawano poparentaado to Peresia mentade umewai aku rua pulu ka asa oleo tehineno. Ka i'amba i Mikaeli asa mia inso i olodo petewawa anu pinemota'u, aiwa tumulungi aku, ka onae kubintao i ra'ai tepo'aroako ira mokoledo to Peresia.

Danieli 10:21

Sine, aku koa pauakomu hapa anu teburi a Wunta Menteea. Nahina maupo te'asa anu me'alaako ndi ongkue umewai ira, sangkadio i Mikaeli, petewawamu atuu.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

Podoaa 16:45

”Peliahakomo inso i tonga-tongano bawaa andio, ka Kupingko ira i larono asa mpiniro.” Onaemo ka dopesomba.

Podoaa 22:31

Ka Do'amba i Ue wileakono matano i Bilea. Ikitao Mala'eka-Do i Ue saru ponai binuta a ngkaeno mentade a nsala. Onaemo i Bilea ka ipenggolontu mesomba.

I MATIU 22:44

Mepau Iramo i Ue ndi ondae Ueku: pentoromo i koana-Ku, hawe ka Kunaa ira iwali-Miu a ntoto karu-Miu.

I MATIU 8:2

Ka haweomo asa mia anu mahaki haki ngkuli mesaki ndi Ondae, ka i'amba menggolontu mesomba ndi Ondae ka ipotae, ”Ue, ba behe Komiu Ue, Omiu polio mokotompa aku.”

I LUKASI 1:43

Isemake ongkue andio ranta ka ihawe ine-Do Ueku kumita aku?

I LUKASI 20:42

Hangano i Daudi isa'a pauo a wunta Po'unde-unde: Mepau Iramo i Ue ndi ondae ueku: pentoromo i koana-Ku,

I LUKASI 5:12

Pohona Ondae i Yesu kongko Ira a laro aasa kota. I tu'ai hinao aasa mia haki ngkuli mesaki asa ngkoroi. Mansano kumita Ira i Yesu, menggolontuomo ka mo'ema pompehohawa, ”Ue, tewala behe Komiu, Ipolio Ue mokotompa aku.”

I YOHANE 20:28

Sumangki i Toma, ”Oo Ueku ka Ue Alaku!”

WINEWEUDO TINENA 9:6

Sine pewangumo ka lakomo a laro ngkota, i ra'ai kopinauako, hapa anu asalakono ka uweweuo.”

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

Yosua 20:1

Mepau Iramo i Ue ndi Yosua,

MENGKAAA 12:7

Ka gagiomo peteaa i suruga. I Mikaeli ka luwuno mala'ekano metea umewaio naga atuu, ka naga atuu dompokowalio mala'ekano,