Yosua 4:7 - Wunta Mempori

⁷ Asalakono pauako ira motae: Uwoi koro Yarade te'otu i arono burua pedandia-Do i Ue; itempono burua atuu sinakiako. Onaemo pu'uno watu andiodo ta gagi petondoni ia nto Isaraeli ranta nahina tampulaano.”

Yosua 4:7 ပူးပေါင်းရင်းမြစ်များ

Po'unde-unde 111:4

Luwuno wineweu anu kinohali-haliako Doweweuo gagi pepopoto'ori, Ondae i Ue atuu me'aroa ka mompehohawa.

Peluarakoa 12:14

Oleo andio ta gagi oleo pepopoto'ori ndi omiu. Asalakono impelangkaio oleo atuu gagi oleo langkai-Do i Ue hawe a inulemiu. Kanatuumo sompo ta'u asalakono impelangkaio mpiha gagi pompakosi.

Peluarakoa 28:12

Ka i'amba omue numaao orua paramata atuu a orua tutuwi oweano lemba epo gagi paramata pepopoto'ori a nto Isaraeli. I Haruni asalakono wawao needo i aro-Do i Ue a orua tutuwi oweano gagi pepopoto'ori.

Peluarakoa 30:16

Asalakono poruru doi pesintuwua inso a nto Isaraeli ka ipinake a mpesombaa i Kema Tepotowoa. Onaemo ta gagi pepopoto'ori a nto Isaraeli i aro-Do i Ue ka gagi pesintuwua tiano penaamiu luwu-luwu.”

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Podoaa 16:40

Mongkona atuu gagi petondoni a nto Isaraeli, kasihina mepopokita mia biasa anu komba inso a inuleno i Haruni anu montunu dupa i aro-Do i Ue, ka onae kasi gagi kana i Kora ka bawaa anu tumondao. Kanandiomo iwineweu kana anu pinau-Do i Ue telalo ndi Musa.

Podoaa 17:5

Mia anu bininiki-Ku, tukono ta mentumba; kanandiomo kuliahakono inso ndi Ongkue pewuruki anu pinaudo to Isaraeli ndi omiu.”

1 KORINTI 11:24

ka umarino atuu Dopontarimakasiakono; Dosiba-sibao ka Dopotae, ”Ndiomo koroi-Ku, anu pineweengako hangano omiu; imeweweuomo andio gagi rorambe-Ku!”

Winali 16:3

Si mpokaa hapa anu meragi saru onae. I larono opitu oleo omiu asalakono kai mpokaa roti nahi peragi, roti marasaia atuu, hangano mpodadusi komiu impeluarako inso i wita Masiri. Bakanatuu, asa ntinuwumiu komiu nterorambe ia oleo peluarakoamiu inso i wita Masiri.

Yosua 4:6

ka igagi tondonino ndi omiu. Tewala te'ipua mpesikeno ira anamiu: Hapa pengkonaano watu andio ndi omiu?