Yosua 4:12 - Wunta Mempori

¹² Inuleno i Rube, inuleno i Gadi, ka tongku Manase anu asantia atuu, mpesakiako, mpesangka petea, i arodo to Isaraeli atuu kana ipauako ira i Musa.

Yosua 4:12 ပူးပေါင်းရင်းမြစ်များ

Peluarakoa 13:18

Sine Ondae Ue Ala tumaate ira tongku atuu mpetanggolili telalo i pada one tetutu i Tahi Teberau. Te'atora moiko baresido, to Isaraeli mpelungka inso i wita Masiri.

Podoaa 1:24

Inso a inuleno i Gadi montonda luwuno suku a laro pepe'etuado, binuriomo neeno luwuno mia anu tinuwuno rua pulu nta'u ka torea, luwuno mia anu polio metea.

Podoaa 32:17

Sine, omami kami mpesangka mpetea ka ronga mpelempa i arodo to Isaraeli, ranta kami wawa ira a mpo'iangado. Kontongaano atuu luwuno ana kodei mami ira mpo'ia i larono luwuno kota mebente tekadudui inso a mpalilino wita andio.

Winali 3:18

I tempo atuu kuparentaa komiu, kanandio, ”Ondae i Ue, Ue Alamiu Doweeakomiu wita andio ka impe'ueo. Sine omiu luwuno mia moroso ka mosia, asalakono impesakiako saru sangka peteamiu i arodo pepaekompomiu, to Isaraeli.

Winali 33:21

Ibinikio anu ko'aasa, hangano i ra'aimo ininaa tiano tadulako, i ra'aimo dome'aiwa luwuno petewawa tongku. Iweweuo anu pinementee-Do i Ue saru pohuku-Do meronga to Isaraeli.”

Yosua 1:14

Luwuno beine, ka nana'otemiu, ka pinotuwumiu, moiko impo'ia ia inia anu iweakomiu i Musa ndi omiu anu i asatowano koro Yarade, sine omiu luwuno pongkiari anu mosia ntu'u, asalakono komiu mpesakiako mpese'elungi ira pepaekompomiu saru sangka mpetea, ka imentulungi ira,

Yosua 4:11

Mansado luwuno tongku atuu umari mpesakiako, domensakiakonomo mbo'u burua pedandia-Do i Ue atuu saru luwudo sando pesomba i arono matado tongku atuu.

Yosua 4:13

Bara'ura patopulu nsowu mia anu mpepatinda mpetea mpesakiako i aro-Do i Ue lumako i lembono Yeriko ira mpetea.