Yosua 3:5 - Wunta Mempori

⁵ Motaeomo i Yosua ia tongku atuu, ”Pokomemporio koroimiu, nde tisomo Ondae i Ue Ira moweweu anu kinohali-haliako i olomiu.”

Yosua 3:5 ပူးပေါင်းရင်းမြစ်များ

Ayubi 1:5

Sompo umarino oleo pogawea, i Ayubi moboi ira ka mokomempori ira. Tisomono mo'oru, i Ayubi mewangu ka mompesombaako pesomba tinunu menunu saru hadiodo, hangano ipewowoloo, ”Bara'ura anaku mpoweweu iramo hala ka domentotonaa Iramo Ue Ala i laro aroado.” Kanandiomo iwela weweuo i Ayubi.

Po'unde-unde 77:15

Omiumo Ue Ala anu moweweu kinohali-haliako; Ipokomengkaaomo pabawa-Miu i olodo luwuno tongku.

Po'unde-unde 86:10

Hangano langkai Komiu ka weweu ira anu mengkinohali-haliako, butu koa Omiu Ue Ala.

Yoeli 2:16

Pumpu iramo tongku andio, pokomempori iramo bawaa, pumpu iramo mia memota'u, pumpu iramo nana'ote, maupo nana'ote anu mo'uo. Moikoomo umbu ngkoroi tama ipeluarako inso a bolongkono, ka umbu ngkoroi beine inso a bolongko poturiano.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Imama 20:7

Asalakono impokomemporio koroimiu ka igagi mempori, hangano Ongkuemo Ue, Ue Alamiu.

Podoaa 11:8

Tongku atuu mpelulu ngkoraane ngkoramai mebinio, ka do'amba megiliakono watu pogili ke me'isao a nohu. Domenahuo a ngkuro wita ka domeweweuo gagi roti bonggoli. Namino kana namino kaanga anu ginore.

I YOHANE 17:19

ka hangano ondae Kupokomemporio koroi-Ku, ka domempinokomempori koa mbo'u a menteea.

Yosua 3:13

Mansano karudo sando mpesomba pontande burua-Do i Ue, Ueno wawontolino, mpenaa-naa ia larono uwoi koro Yarade, onaemo uwoi koro Yarade atuu ta te'onto; uwoi anu waa inso iwawono ta menaa-naa waa gagi bunto.”

Yosua 3:15

Mansado mia mpontande burua atuu hawe a Koro Yarade, ka luwudo sando mpesomba pontande burua atuu mpelanda a uwoi iwiwi koro atuu, Koro Yarade atuu teponsia mesawiako a wiwino itempono konsowia.

Yosua 3:4

butu olomiu ka burua atuu bara'ura ruansowu hiku olono, sime'umpedaakono pengkonaano ka imento'oriokoa sala anu lano komiu mentondao, nde sala atuu napi hori imelaloo.”

Yosua 3:6

Ka ia luwudo sando mpesomba ipotae i Yosua kanandio, ”Imentandeomo burua pedandia impesakiakomo i arodo tongku atuu.” Domentandeomo burua pedandia ka dompelempa i arodo tongku atuu.

Yosua 7:13

Pewangumo, pokomempori iramo tongku atuudo ka upauako ira: Pokomemporio koroi miu tisomo, nde kanandio pau-Do i Ue, Ue Alado to Isaraeli: Oo, to Isaraeli, hinao sangka anu pinakosi imentadio te'inso ndi omiu.

1 Samueli 16:5

Isangki ira, ”Humbee, mentee! Aku aiwa mompesombaako pesomba ndi Ondae i Ue. Impokomemporio koroimiu ka ime'aiwa a mpoweweua gau mpesomba saru ongkue.” Ka i'amba mokomemporio i Isai saru luwuno anano anu tama ka i'olu ira a mpoweweua gau mpesomba.