Yosua 3:14 - Wunta Mempori

¹⁴ Mansado tongku atuu mpelungka inso ia mpekemaado ka ira mensakio koro Yarade, luwudo sando mpesomba pontande burua pedandia pelempa i arodo tongku atuu.

Yosua 3:14 ပူးပေါင်းရင်းမြစ်များ

Po'unde-unde 132:8

Ipewangumo, oo Ue, ka Ilakomo a mpo'ianga-Miu, Omiu saru burua pedandia roso-Miu!

Yeremia 3:16

Tewala lembuino ntetiangi komiu hadio ka mpe'ana'ue i wita andio, kanandiomo pau-Do i Ue, asalakono mia nahi ta mepau mbo'u mongkona Burua Pedandia-Do i Ue. Burua atuu nahi ta hawe mbo'u a laro mpinewowolo ka nahi ta rinambe mbo'u, nahi ta inungke ke wineweu mbo'u.

Winali 31:26

”Ime'alaomo wunta Taura andio ka imenaao i horino Burua Pedandia-Do i Ue, Ue Alamiu, kai gagi sakosii i tu'ai ndi omiu.

IBARANI 9:4

I tu'ai hinao meda pontunua pesomba pontunua dupa inso a wulaa, ka burua pedandia, anu luwuno inapiiako wulaa; i larono burua pedandia atuu ninaa pido-pido wulaa me'ihi manna, tukono i Haruni anu horio mentumba ka watu anu meburiako pedandia,

Yosua 24:11

Mansamiu mpesakiako ia koro Yarade ka hawe i Yeriko, mpe'iwali komiumo ka to Yeriko, to Amori, to Perisi, to Kana'a, to Heti, to Girigasi, to Hewi, to Yebusi, sine ondae atuu Kupeweengako ira ia ngkaemiu.

Yosua 3:3

Ka iparenta ira luwuno tongku atuu, ipotae, ”Tewala imengkitaomo burua pedandia-Do i Ue, Ue Alamiu domenselao sando mpesomba, anu lano tongku Lewi, imelakomo mentondao,

Yosua 3:6

Ka ia luwudo sando mpesomba ipotae i Yosua kanandio, ”Imentandeomo burua pedandia impesakiakomo i arodo tongku atuu.” Domentandeomo burua pedandia ka dompelempa i arodo tongku atuu.

Yosua 6:6

Ka i'amba i Yosua anano i Nunu moboi ira luwuno sando mpesomba ka ipepauako ira, ”Imentandeomo burua pedandia atuu ka opitu mia mpowawa opitu tawuwua tandu bimba i arono burua-Do i Ue.”