Yosua 3:10 - Wunta Mempori

¹⁰ Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

Yosua 3:10 ပူးပေါင်းရင်းမြစ်များ

Tegagia 15:21

to Amori, to Kana'a, to Gerigasi ka to Yebusi.”

1 Mokole 22:28

Sine sumangki i Mika, ”Tewala mentee omue mekule da tuwu, manasaomo Ondae i Ue nahi Ira mepau molalo ongkue.” Ka i'amba motae mbo'u, ”Imerongeo, hei luwuno bawaa!”

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

1 Tawarika 1:14

saru to Yebusi, to Amori, to Girigasi,

Po'unde-unde 42:2

Kana rusa anu mongkekewoi korono anu me'uwoi, kanatuumo sumangaku kumekewoi Komiu, oo Ue Ala.

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Peluarakoa 17:7

Po'ianga atuu nineeako Masa ka Meriba, hangano to Isaraeli mpegaga ka dome'ara-arahako ira i Ue dompotae, ”Ndio Ira koa ke i Ue i oloto?”

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Peluarakoa 33:2

Aku montena asa mala'eka melempa i aromu anu ta sumaari ira to Kana'a, to Amori, to Heti, to Perisi, to Hewi ka to Yebusi.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yeremia 10:10

Sine Ondae i Ue ondaemo Ue Ala anu mentee, Ondaemo Ue Ala anu tuwu ka Mokole anu nahina tampulaano. Tolino lelu hangano tekuda-Do, ka luwuno tongku nahi domempolio a bamburu-Do.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Podoaa 13:29

To Amale mpo'ia i Wita Nege, to Heti, to Yebusi ka to Amori mpo'ia i mentorukuno, to Kana'a mpo'ia i asa ngkeu wiwi ntahi ka i asa ngkeu wiwi ngkoro Yarade.”

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I YOHANE 6:69

ka kimpe'ala-alaomo ka mento'orio nine Omiu Anu Mempori inso ndi Ondae Ue Ala.”

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Winali 5:26

Hangano anu hinao penaano isuake anu rumongeomo suara-Do Ue Ala anu tuwu, anu mepau inso i tonga-tongano api, kana omami andio ka kongko tuwu?

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

IBARANI 10:31

Mongkokongiri ntu'u, tewala tedonta a ngkae-Do Ue Ala anu tuwu.

Yosua 11:3

onaemo mokoledo to Kana'a ia sabaano oleo ka i sumooano oleo, to Amori, to Heti, to Perisi, to Yebusi a mentorukuno, ka to Hewi ia mpu'uno torukuno Heremoni, i wita Misipa.

Yosua 12:8

ia mentorukuno, i Sepela, i Araba-Yarade, i Korimbino Torukuno, i Pada One ka i Wita Nege, i witado to Heti, to Amori, to Kana'a, to Perisi, to Hewi ka to Yebusi.

Yosua 21:45

Luwuno anu moiko anu dinandi-Do i Ue a nto Isaraeli, nahina anu nahi pinokogagi. Luwuno pinokogagi.

Yosua 22:31

Ka i'amba motaeomo sando mpesomba Pineha anano i Eleasa ia inuleno i Rube, inuleno i Gadi, ka inuleno i Manase, ”Kanandio kimento'oriomo motae Ondae i Ue ndio Ira i oloto, nde nahi bali petenunumiu ndi Ondae i Ue. Tewala kanandio impotola iramo to Isaraeli inso ia pohuku-Do i Ue.”

Yosua 24:11

Mansamiu mpesakiako ia koro Yarade ka hawe i Yeriko, mpe'iwali komiumo ka to Yeriko, to Amori, to Perisi, to Kana'a, to Heti, to Girigasi, to Hewi, to Yebusi, sine ondae atuu Kupeweengako ira ia ngkaemiu.

Yosua 3:9

Motaeomo i Yosua ia nto Isaraeli, ”Ime'aiwamo te'umpeda ka imerongeo pau-Do i Ue, Alamiu.”

Yosua 9:1

Mansado merongeo mokole i sumooano oleo i asa towano koro Yarade, ia mentorukuno, ia pongkuno wita, ia tompaano wiwi ntahi langkai hawe i asa mbalino torukuno Libano, po'iangaado mokoledo to Heti, to Amori, to Kana'a, to Perisi, to Hewi ka to Yebusi,

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 26:6

Ka i'amba i Daudi motaeakono i Ahimele to Heti atuu ka i Abisai anano i Seruya, pepaekompono i Yoabi, ipotae, ”Isema anu ta tumonda aku lumako a mpekemaano i Saulu atuu?” Sumangki i Abisai, ”Ongkue, aku tumondakomiu.”