Yosua 24:7 - Wunta Mempori

⁷ Mpebooli ira ndi Ondae i Ue, onaemo ka Dopokowongi-wongio olo miu ka to Masiri, ka Dopokonte'ilio tahi, ka domemate mo'opo. Imengkitaakonomo matamiu, hapa wineweu-Ku ia nto Masiri. Umari atuu mapata'u-ta'u tehineno impo'ia i pada one.

Yosua 24:7 ပူးပေါင်းရင်းမြစ်များ

Peluarakoa 14:10

Mansano umpedaomo i Pirao, mpewolili iramo to Isaraeli, domengkita iramo to Masiri aiwa tumonda ira. Onaemo to Isaraeli ka domedoito ntu'u, ka dompebooli ndi Ondae i Ue.

Peluarakoa 14:20

Kandiomo tondonino a nseru atuu mentade i olodo sorodadu to Masiri ka sorodadu to Isaraeli. Ka tondonino a nseru atuu mompokowongi mpusu, sine a nsusuano tondonino a nseru atuu wantahio wongi, onaemo kanahi dompokotepo'umpedakono anu susua asa wongi atuu.

Peluarakoa 14:31

Mansado mengkitao to Isaraeli, wineweu-Do i Ue anu mongkokongiri a nto Masiri, medoito iramo tongku atuu ndi Ondae i Ue. Ka i'amba dompompe'ala-ala ndi Ondae i Ue ka ndi Musa, tetenaa-Do atuu.

Winali 1:46

Onaemo kai mpo'ia tehine ntu'u i Kadesi, i larono tempo impo'ia i ra'ai.

Winali 2:14

Mpelempa kita mompu'u inso i Kadesi-Baranea hawe mensakio Korono Seredi, i larono tolu pulu ka oalu nta'u, ranta luwuno sorodadu atuu piingko memate inso a mpekema, kana anu pinau-Do i Ue saru sumpa ndi ondae.

Winali 29:2

I Musa moboi ira luwuno to Isaraeli, ka i'amba motae ndi ondae kana itotono andio. Imengkitaomo luwuno anu wineweu-Do i Ue i wita Masiri i arono matamiu ndi Pirao, luwuno pegawaino ka luwuno witano.

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

IBARANI 3:17

Ka isemake anu tinekudaako-Do pato pulu nta'u tehineno? Kombake ondae anu mpoweweu hala ka anu wata ngkoroido matumbole i pada one?

Yosua 5:6

Nde patopulu nta'u tehineno to Isaraeli atuu dompelempa molaloo pada one, memate iramo luwu luwudo tongku atuu, onaemo sorodadu anu mpeluarako inso i Masiri, anu nahi domporonge pau-Do i Ue. Ndi ondae atuu Dosumpa iramo Ue, komba ira me'ineheako pewinso ia wita anu domedinandiako Ira i Ue saru mesumpa ndi ondae ue mpu'udo, ira mpeweengakono ndi ontae, wita anu tedoa hadio susu ka siu hoani.