Yosua 24:27 - Wunta Mempori

²⁷ Motae i Yosua ia luwuno tongku atuu, ”Menteeano ntu'u watu andio ta gagi sakosii ndi ontae, nde watu andio rumongeo luwu pau-Do i Ue anu pinau-Do ndi ontae. Gagi watu andio gagi sakosii ndi omiu, kasi mpehapu ia Ue Alamiu.”

Yosua 24:27 ပူးပေါင်းရင်းမြစ်များ

Ayubi 31:23

Hangano Ondae Ue Ala wela mokodoito aku, ka nahina rosoku a maramba-Do.

Ayubi 31:28

ka mongkona atuu gagi mbo'u wineweu mosa'o anu tekona domehukuo puu mpobitara, hangano uhapu Iramo Ue Ala anu i wawono,

Powadi 30:9

Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Habaku 2:11

Hangano watu mebooli inso a rere, ka sobo sumangkio inso a rangkano raha.

Podoaa 11:20

sine sompo asa wula, ranta bau atuu meluarako inso a engemiu ka ranta kai memongkokowuere. Hangano impebungkui Iramo i Ue anu kongko i tonga-tongamiu ka mpengese i aro-Do ka mpotae: Pombio ke ka tompeluarako inso i Masiri?”

I MATIU 10:33

Sine ba isema anu humapu Aku i arodo mia, Aku humapuo mbo'u nada i aro-Do Ama-Ku anu i suruga.”

I LUKASI 19:40

Dosangki ira, ”Kupauakomiu: Tewala ondae andio mengkomino, asalakono watu andio ta mebooli.”

Winali 30:19

Aku moboio langi ka tolino gagi sakosii ndi omiu oleo andio: Kupo'aroakomu tuwua ka matea, ronso ka totonaa. Binikiomo tuwua, ka imentuwumoiko omiu maupo inulemu,

Winali 31:19

Kanandio-andio, buriomo penani andio ka paguruako ira to Isaraeli. Naao a laro ngangado kai penani andio gagi sakosii-Ku a nto Isaraeli.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 31:26

”Ime'alaomo wunta Taura andio ka imenaao i horino Burua Pedandia-Do i Ue, Ue Alamiu, kai gagi sakosii i tu'ai ndi omiu.

Winali 32:1

”Ta'oomo birimu, hei langi, aku mepau, rongeomo, hei tolino, pinauku.

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

Yosua 22:34

Inuleno i Rube ka inuleno i Gadi numeeakono pontunua pesomba atuu: Sakosii, nde onaemo gagi sakosii i oloto nine Ondae i Ue, Ondaemo Ue Ala.

Yosua 24:28

Umari atuu ipotola ira i Yosua tongku atuu melako, ia mpo'iangaado tia pusakado.

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.

1 Samueli 7:12

Ka i'amba i Semueli umalao asa watu ka i pontoroo i olono Misipa ka Yesana. Ineeakono Ebe-Haese, pengkonaano, ”Hawe i ndi'ai Dotulungi kita i Ue.”