Yosua 24:19 - Wunta Mempori

¹⁹ Sine i Yosua mepau ia tongku atuu, ”Nahi komiu mempolio mpesomba ndi Ondae i Ue, nde Ondaemo Ue Ala anu mempori, Ondaemo Ue Ala anu meposiri. Nahi Ira umoninio pe'ewa ka halamiu.

Yosua 24:19 ပူးပေါင်းရင်းမြစ်များ

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Po'unde-unde 99:3

Po'ineeomo dome'unde-undeo nee-Miu anu langkai ka mongkokongiri; Ondaemo anu mempori!

Po'unde-unde 99:5

Pelangkai Iramo i Ue, Ue Alato, penggolontuumo pesomba a mpelandaano karu-Do! Ondaemo anu mempori!

Po'unde-unde 99:9

Pelangkai Iramo i Ue, Ue Alato, ka penggolontuumo pesomba a ntorukuno-Do anu mempori! Hangano Ondae i Ue, Ue Alato, mempori!

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Peluarakoa 34:14

si mpenggolontu mpesomba a anu pinesombaido susua, hangano Ondae i Ue meneeako ”Mosiri”, Ondae, onaemo Ue Ala anu mosiri.

Peluarakoa 34:7

anu nahi bali pompehohawa-Do a sowu-sowuno mia, anu mo'onini sala, pe'ewa ka hala, sine nahi Dopo'inee ira mia anu sala toola inso a mpohuku, anu mombalo salano luwuno ama, a ana ueno, hawe a inuleno anu ko'otolu ka ko'opaa.”

Yesaya 2:9

Mia pinokompetuundu, mia pine'uru-uru siimo tandeo hala tembiado!

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 30:11

pe'apiakomo inso a nsala, pansiamo inso a nsala, siimo popo'aro kami mbo'u saru Ondae Anu Tedoa Mempori, Ue Alado to Isaraeli.”

Yesaya 30:15

Hangano kanandiomo pau-Do Ue Ala, Ondae Anu Tedoa Mempori, Ue Alado to Isaraeli, ”Saru mpepokule ndi Ongkue ka mpo'ia mpenoro-noro komiu mengkinadudui, i larono impo'ia mpomperodo ka mpompe'ala-ala rosomiu mo'ia.” Sine nahi mebehe,

Yesaya 5:16

Sine Ondae Ueno luwuakoano lano tedoa mantande a laro moleoa-Do, ka Ondae Ue Ala anu tedoa mempori mokomengkaao pentoroa-Do a laro menteea-Do.

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Imama 11:44

Hangano Ongkuemo Ue, Ue Alamu; asalakono ipokomemporio koroimu ka asalakono kai memempori, hangano Ongkue andio mempori. Si meweweuo koroimu mokoburuako sompo kondehora melele anu mpebawaa i wawo wita.

Imama 11:45

Hangano Ongkuemo Ue anu wawa komiumo mpeluarako inso i wita Masiri, kai gagi Ue Alamiu. Imegagimo mempori, hangano Ongkue andio mempori.

Imama 19:2

”Pepaumo a luwuno bawaa Isaraeli ka potaeako ira: Asalakono kai memempori, hangano Ongkue Ue, Ue Alamiu mempori.

Imama 20:26

Omiu asalakono gagi mempori ndi Ongkue, hangano Ongkue andio Ue, mempori ka Kuponsia komiumo inso a luwuno tongku susua, kai megagi bawaa-Ku.

Imama 20:7

Asalakono impokomemporio koroimiu ka igagi mempori, hangano Ongkuemo Ue, Ue Alamiu.

Nahumi 1:2

Ondae i Ue atuu Ue Ala anu meposiri ka puu mpombalo, Ondae i Ue atuu puu mpombalo ka bukeako tensilano tekuda, Ondae i Ue atuu puu mpombalo a luwuno anu umewai Ira ka monaa aroa a luwuno iwali-Do.

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

I MATIU 6:24

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

Yosua 24:18

Ondae i Ue sumaari ira inso ndi ontae luwuno tongku saru to Amori, mia anu mpo'ia i ndi'ai. Omami koa mbo'u, kami mpesomba ndi Ondae i Ue, nde Ondaemo Ue Alato.”

Yosua 24:23

Ipotae, ”Impetadiakonomo anu pinesombaido mia hawe anu kongko i olomiu, impo'aroomo aroa miu ndi Ondae i Ue, Ue Ala Isaraeli.”

Ruti 1:15

Mepauomo i Naomi, ”Mekuleomo pe'asa mpo'alamu ia tongkuno, ka ia ue anu pine'ala-alano, pekulemo tondao pe'asa mpo'alamu atuu.”

1 Samueli 3:14

Onaemo ka Kupesumpa mongkona inuleno i Eli nine pe'ewado nahi ta pinokontolosiako pesomba sinumbele ke pesomba kaanga ranta nahina tampulaano.”

1 Samueli 6:20

Luwudo to Beti-semesi mpotae, ”Isema anu polio umaropi Ira i Ue, Ue Ala anu mempori? Ndi sema ba Dolako, ka Dobinta kita olai?”