Yosua 23:14 - Wunta Mempori

¹⁴ Nami tehine mbo'u aku lumempaio sala anu luwuakoano ta tampula. Onaemo ka intepidimo ia tompaano aroamiu ka tompaano sumangamiu nde inso a luwuno dandi anu moiko anu pinau-Do i Ue, Ue Alamiu, ndi omiu nahi ta hina mau te'asa anu ta tetadi. Luwuakoano inihii. Mau te'asa nahina anu ta tetadi

Yosua 23:14 ပူးပေါင်းရင်းမြစ်များ

Tegagia 47:29

Mansano umpedaomo mateano i Isaraeli, ipoboio i Yusupu, anano, ka ipotaeakono, ”Tewala mohawe aku pompehohawamu, po'ineeomo ka unaao kaemu i totono puu mpa'aku, ka pesumpamo nine omue komopokitao pompehohawa ka petenunumu ndi ongkue: Si kaburu aku i Masiri.

1 Mokole 2:2

”Nami ta tehine mbo'u akumo mate, gagi aroano ka pelelumo kana tama.

1 Mokole 8:56

”Unde-unde Ira i Ue, anu moweeako ira penaa-naaa a bawaa-Do Isaraeli menunu saru luwuno anu dinandi-Do; nahina maupo te'asa anu nahi Do'ihiio inso a luwuno dandi anu moiko, anu dinandi-Do molalo i Musa, tetenaa-Do.

Ayubi 30:23

Oo, kuto'orio: Iwawa aku a matea, te'aro a mpo'ianga anu tinantui luwuno anu tuwu.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Puu Pontutulu 12:5

mia mbo'u gagi medoitoako mantandeno ka masolaa hinao a nsala, keu badama mensisi, kosume me'isei rumendeo koroino ka nami hina aroano mongkaa; hangano mia lumako a rahano anu nahina balino ka puu mponsabangi mpolio-lio a nsala;

Puu Pontutulu 9:10

Hapamo koa anu pinoko'anggano kaemu, anggaomo tompaano rosomu. Hangano, nahina anggaa, pontimbanga, ponto'ori ka monto'ori a ntolinodo mia mate, ba isua ta lakoamu.

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

I LUKASI 21:33

Langi ka tolino ta moliu, sine pau-Ku nahi ta moliu.”

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,

1 Samueli 3:19

I Semueli kolangka-langkaino. Ondae i Ue kumongkomio ka nahina maupo te'asa pinau-Do anu nahi ta gagi.