Yosua 23:13 - Wunta Mempori

¹³ imento'oriomo te manasa, motae Ondae i Ue, Ue Alamiu, nami Ira sumaario mbo'u luwuno tongku atuu inso i aromiu. Tendeano ira megagi dampa ka oho ndi omiu, gagi ponsepi ia koroimiu, ka rui ia matamiu, ranta ka imeropu inso ia wita anu moiko andio, anu Doweeakomiumo Ondae i Ue Ue Alamiu, ndi omiu.

Yosua 23:13 ပူးပေါင်းရင်းမြစ်များ

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Mokole 25:26

Ka i'amba luwuno palili, inso anu kodei hawe anu langkai, saru luwuno tadulako sorodadu mpopari-pari melako i Masiri, hangano medoito ira a nto Kasidimi atuu.

Po'unde-unde 69:22

Tendeano, domempakaakune rasu, ka i tempono kumokoranga, dompopo'inuakune anggoro mo'olo.

Peluarakoa 10:7

Umarino atuu mpotae iramo pegawaino i Pirao ndi onae, ”Hawe te'ipia mia andiodo ira megagi oho ndi ontae? Potola iramo mia atuudo melako mpesomba ndi Ondae i Ue, Ue Alado! Nde ba domekongko mpiha mpo'ia, Masiri andio tampula?”

Peluarakoa 23:33

Ondae nahi ira mpo'ia mpiha i wita miu, kasi dompokontehala komiu ndi Ongkue, hangano mpesomba a lahumoado, nde anu kanarau gagi winggaro ndi omiu.”

Peluarakoa 34:12

Impetangkoro, si mpedandiako ira palili i wita anu komiu mpewinsokio atuu, kasi mentetanggoako.

Peluarakoa 34:16

Kanatuu koa mbo'u tewala mpo'alakomiu ana beinedo gagi kombiado anamiu tama, ana beinedo ira mponsosabo mpotonda a anu pinesombaido, ba mansa dompopandei ira anamiu tama mponsosabo ka mpetonda a anu pinesombaido.

Yehesikieli 28:24

Nahi ta hina mbo'u a nsuku Isaraeli mia inso i olodo luwuno pehori rahano anu mokongkodei ira, gagi rui anu meduhu ke tolungo anu mompokomopoe. Ira mento'orio nine Ongkuemo Ue Ala.

Podoaa 33:55

Sine tewala nahi mensaario palilino wita atuu inso i aromiu, luwuno mia anu pino'ineemiu tuwu inso ndi ondae, ta gagi kana siba a matamiu ka kana rui anu dumuhuo horimiu, ka ira mensapoikomiu i wita po'iangamiu atuu.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

Winali 29:28

Dobuta iramo i Ue inso i witado a laro ntekuda ka mokulano aroa ka o'alia-Do ntu'u, ka Do'amba metadiako ira i wita susua, kana anu gagi kanandio-andio.

Winali 30:18

ka kupauakomu nine oleo andio manasa komiu memasola. Nahi ta melai tinuwumiu i wita anu komiu mpentorokio umarino imensakio koro Yarade.

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

2 TIMOTIU 2:26

ka ba kanandio gagi ira wali ntelike aroado, hangano mentola inso a ohono i Mosa'o anu umonggo ira a mpo'eheno.

Puu Mpobitara 2:21

nami Aku behe mbo'u monsaari inso i arodo maupo te'asa inso a luwuno tongku anu binintano i Yosua itempono ka imate.