Yosua 23:11 - Wunta Mempori

¹¹ Kongkomo impetenunu mehohawa Ira Ondae i Ue, Ue Alamiu!

Yosua 23:11 ပူးပေါင်းရင်းမြစ်များ

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Powadi 4:23

Aroamu dagaiakonomo luwuno petangkoro, hangano insomo i ra'ai tepansari tuwua.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

1 KORINTI 16:22

Isema nahi kekewoi Ira i Ue, tetotonaaomo. Maranata!

1 KORINTI 8:3

Sine mia anu mehohawa Ira Ue Ala, Doto'orio Ue Ala.

EPESU 5:15

Onaemo pu'uno, impekokoongakono temoiko, ba kana'umpe imentuwu, si mengkana mia monge-monge, sine kana mia pande,

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 4:15

Nahi mpokita hapamokoa i oleo Dopepau i Ue ndi omiu i Torukuno Hore inso a ntonga-tongano api. Onaemo pu'uno, imedagaio ntu'u koroimiu,

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

Yosua 23:10

Asa mia koa inso ndi omiu, anu mokolumulu ira asa nsowu mia, nde Ondae i Ue Ue Alamiu anu me'iwali mokowali komiu, kana anu Dodandiakomiu.

Yosua 23:12

Nde tewala mpewolili komiu ka mpe'ini moroso a toreano luwuno tongku anu da mpo'ia i olomiu, pada mpekokombia saru ondae ka mpe'asaako ira,