Yosua 23:10 - Wunta Mempori

¹⁰ Asa mia koa inso ndi omiu, anu mokolumulu ira asa nsowu mia, nde Ondae i Ue Ue Alamiu anu me'iwali mokowali komiu, kana anu Dodandiakomiu.

Yosua 23:10 ပူးပေါင်းရင်းမြစ်များ

2 Samueli 23:8

Ndiomo needo luwuno sorodaduno anu tumondao i Daudi: i Isabaali, to Hakemoni, petewawado Otolu Mia Mosia. Onae umioo kansaino mo'ewai halu etu mia anu pinepate i larono asa mpeteaa.

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

1 Tawarika 5:22

Hadio memate hangano mobela langkai, hangano Ondae Ue Ala anu melelu a laro mpeteaa atuu. Ka do'amba mpetorokio po'iangado mia atuudo hawe a tempo pontadia.

Po'unde-unde 35:1

Inso ndi Daudi. Ewai iramo mia anu umewai aku, oo Ue, Ipeteamo umewaio mia anu meteaakune!

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Peluarakoa 14:14

Ondae i Ue Ira meteaakomiu, ka omiu impenoro-noromo koa.”

Yesaya 30:17

Asa nsowu mia ta molai a pompokodoitono asa mia, a pompokodoitono olima mia komiu mpolai, ranta ka imebininta kana keu tinandapako petondoni a wawo punsuno torukuno ka kana bandera a wawo pongku.

Imama 26:7

Komiu melulu ira iwalimiu, ka ira memateako ponai i aromiu.

Imama 26:8

Olima mia inso i olomiu ta molulu asa etu, ka asa etu mia inso i olomiu ta molulu hopulu nsowu ka luwuno iwalimiu ira memateako ponai i aromiu.

Sakaria 12:8

I tempo atuu Ondae i Ue Ira dumagaio palilino Yerusale. Mia anu molema telusa i olodo i tempo atuu ta gagi kana i Daudi, ka somborino i Daudi ira mpetewawa kana Ondae Ue Ala, kana Mala'eka-Do i Ue, i arodo.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 20:3

Asalakono ka ipotaeako ira, ’Hei to Isaraeli, imerongeomo! Oleo andio komiu mpo'aropi peteaa umewai ira iwalimiu. Si molema aroamiu, si medoito, si medanggara ka si memondende i arodo.

Winali 20:4

Hangano Ondae i Ue, Ue Alamiu, Ondaemo anu melempa kumongkomi komiu kai mpetea umewai ira iwalimiu, ka Doweeakomiu ponangia.’

Winali 28:7

Ondae i Ue Ira weweuo iwali anu aiwa sumapoi komiu tenangi i aromiu. Asa nsala insoado mpeluarako sumapoi komiu, sine opitu nsala ira mpolai inso i aromiu.

Winali 3:22

Si doitoako ira, hangano Ondae i Ue, Ue Alamu, Ondaemo anu umeu komiu metea.”

Winali 32:20

Mepau Ira: Aku wunio rupa-Ku inso ndi ondae, ka kumitao kana'umpe pokotompaado, hangano ondae asa ntuwua anu molengku, luwuno ana anu nahi petenunu.

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 23:11

Kongkomo impetenunu mehohawa Ira Ondae i Ue, Ue Alamiu!

Yosua 23:3

Imengkitaomo luwuno anu wineweu-Do i Ue, Ue Alamiu, ia luwuno tongku i ndi'ai hangano omiu, nde Ondae i Ue, Alamu, Ondae anu me'iwaliakomiu.

Puu Mpobitara 15:15

Ka i'amba ihaweo asa wuku aseno kalide anu da wo'ohu. I'alaomo wuku atuu, ka ipepate ira asa nsowu mia.

Puu Mpobitara 3:31

Umarino onae, petewawa lembuino i Samaga anano i Anata; Ipepate ira nomo etu to Pelisiti mompake tuko pontamba sapi. Kanatuumo ikadudui ira to Isaraeli.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”