Yosua 22:5 - Wunta Mempori

⁵ Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

Yosua 22:5 ပူးပေါင်းရင်းမြစ်များ

Po'unde-unde 106:3

Me'ura iramo mia anu mpe'ini a songka, anu meweweuo moleoa a luwuno tempo!

Po'unde-unde 78:7

ka domenaao pompe'ala-ala ndi Ondae Ue Ala ka nahi domengkolupeo luwuno wineweu-Do Ue Ala, sine me'inio luwuno parenta-Do;

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Peluarakoa 23:13

Asalakono impekokoongakono luwuakoano anu pinau-Ku ndi omiu. Si mpopoboi neeno lahumoa, siimo iteronge nee atuu inso a wiwimu.”

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Powadi 4:23

Aroamu dagaiakonomo luwuno petangkoro, hangano insomo i ra'ai tepansari tuwua.

Yesaya 55:2

Tembio ka impo'oliako doi anu komba kaanga, ka tambono pe'iseimu anu nahi mompokomowohi? Ronge Akumo asalakono komiu mpongkaa anu moiko ka pongkaa kaanga anu mo'ahi ntu'u.

Yeremia 12:16

Tewala mentee ntu'u dompepaguruakono sala ntumuwudo bawaa-Ku ka dompesumpa a nee-Ku, ’A nee-Do i Ue anu tuwu,’ kana'umpe domempaguru ira bawaa-Ku ka dompesumpa a neeno Baala, asalakono ira wali mewinangu i tonga-tongado bawaa-Ku.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

I MATIU 6:24

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

I LUKASI 1:74

ka tontepotola inso a ngkaedo iwali, mpokompesomba ndi Ondae nahi tomedoito,

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 14:15

”Tewala impehohawa Aku, komiu mentondao luwuno parenta-Ku.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 11:13

Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 11:22

Hangano tewala mentee ntu'u impe'ini komiu a parenta anu kupohaweakomiu kai wineweu, ka mehohawa Ira i Ue, Ue Alamiu, saru mentuwu montonda luwuno sala anu Dotisoakomiu ka saru mpe'ini moroso ndi Ondae,

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

Winali 4:4

sekono omiu anu mpe'ini ndi Ondae i Ue, Ue Alamiu da mentuwu a oleo andio.

Winali 4:6

Impetenunumo meweweuo atuu, hangano onaemo atuu anu ta gagi ponto'orimiu ka mpopewowolo a pongkitado luwuno tongku. Tewala rumongeo luwuno pompakosi andio ira mpotae, ”Lano tongku anu langkai andio, ondaemo bawaa anu mponto'orimiu ka mpopewowolo”

Winali 4:9

Sine impetangkoromo ka impompe'inandai mpiha, kasi mengkolupeo luwuakoano anu kinitano matamiu atuu, ka kasi tetadi luwuno atuu inso a mpinewowolomiu asa ntinuwumiu. Pauako iramo luwuno atuu a anamiu ka ana uemiu.

Winali 5:10

Sine, Aku mopokitao pompehohawa pokongkomi a sowu-sowuno mia, ndi ondae anu mehohawa Aku ka me'ini a luwuno parenta-Ku.

Winali 6:17

Asalakono tementee ntu'u impe'ini a parenta-Do i Ue, Ue Alamiu, a mpepopoto'ori ka pompakosi anu Doparentaa komiu.

IBARANI 12:15

Impedagaimo ka si hina maupo te'asa mia olaiakono pe'aroa-Do Ue Ala, ka si tuwu haka anu mopa'i anu mompokomarisu ka monsosa'ai hadio mia.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

Yosua 23:8

Tendeano impe'ini temoroso ndi Ondae i Ue, Ue Alamiu, kana anu wineweumiu hawe kanandio.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

1 Samueli 12:20

Motae i Semueli ia tongku atuu, ”Si medoito, omiu lano mpoweweu komiumo luwuno anu mosa'o andio, sine simepansia inso ndi Ondae i Ue, tendeano impesombamo a bobotolino aroamiu ndi Ondae i Ue.

1 Samueli 12:24

Butumo koa, imedoitoako Iramo i Ue ka impetenunu mpesomba ndi Ondae ia tompaano aroamiu. Hangano, kitaomo tedoa langkai wineweu-Do ndi omiu.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”