Yosua 22:31 - Wunta Mempori

³¹ Ka i'amba motaeomo sando mpesomba Pineha anano i Eleasa ia inuleno i Rube, inuleno i Gadi, ka inuleno i Manase, ”Kanandio kimento'oriomo motae Ondae i Ue ndio Ira i oloto, nde nahi bali petenunumiu ndi Ondae i Ue. Tewala kanandio impotola iramo to Isaraeli inso ia pohuku-Do i Ue.”

Yosua 22:31 ပူးပေါင်းရင်းမြစ်များ

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

Esera 7:5

anano i Abisua anano i Pinehasi anano i Eleasa anano i Haruni, sando mpesomba langkai atuu.

Po'unde-unde 68:17

Hei luwuno torukuno anu mepunsu hadio, tembio ka impesili mata mosiri, a ntorukuno anu inehe-Do Ue Ala gagi mpentoroa-Do? Menteeano, Ondae i Ue Ira mo'ia mpiha i ra'ai!

Peluarakoa 25:8

Asalakono ka dompoweweu po'ianga mempori, ka Kupo'ia i olodo.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Sakaria 8:23

Kanandiomo pau-Do Ueno luwuakoano, ”I tempo atuu hopulu mia inso a mperupa-rupa tongku ka pau ira me'inio moroso ntu'u tapuno lemba meloeno asa to Yahudi ka mpepau: Inehemami melako meronga saru omiu, hangano kimerongeomo, nine Ondae Ue Ala kumongkomi komiu!”

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

1 KORINTI 14:25

Luwuno anu tewuni i laro aroano ta gagi mengkaa, onaemo ka ta menggolontu mesombai Ira Ue Ala ka mangaku, ”Mentee ntu'u, Ondae Ue Ala kongko Ira i tonga-tongamiu.”

Yosua 22:30

Mansado merongeo sando mpesomba i Pineha ka luwuno petewawa bawaa saru luwudo petewawado to Isaraeli anu mperongaakono, hapa anu pinaudo inuleno i Rube, inuleno i Gadi ka inuleno i Manase atuu, dompemoikoo.

Yosua 22:32

Umari atuu mpekule iramo sando mpesomba Pineha anano i Eleasa ka saru luwudo petewawa atuu, binta ira inuleno i Rube, inuleno i Gadi i wita Gileadi, mpekule i Kana'a a nto Isaraeli, ka ipauako ira lele atuu ndi ondae.

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.