Yosua 22:27 - Wunta Mempori

²⁷ sine pontunua pesomba atuu gagi sakosii ndi omami ka ndi omiu, ka ia inuleto lembuiano, motae omami kongko kami mpesomba i aro-Do i Ue, mpompesombaako pesomba tinunu, pesomba sinumbele, ka pesomba tetolosia mami. Gagi nahi ira mpotae inule miu ia lembuiano ira mpotae ia inule mami: Omiu nahi mpohawe tia ndi Ondae i Ue.

Yosua 22:27 ပူးပေါင်းရင်းမြစ်များ

Tegagia 31:48

Ka i'amba motae i Laba, ”Howunomo watu andio anu gagi sakosii olono ongkue ka omue i oleo andio.” Onaemo pu'uno hinowu atuu ineeakono Galedi,

Tegagia 31:52

Howuno watu ka tugu andio gagi sakosii nine nahi aku lumaloo howuno watu andio aiwa tepohaweakomu, ka omue mbo'u nahi kolumaloo howuno watu ka tugu andio aiwa tepohaweakune, saru tinoo mosa'o.

Po'unde-unde 16:5

Oo Ue, Omiumo tia pusakaku ka pialaku, Omiumo anu uminio tiaku anu inundi.

Yesaya 19:19

I tempo atuu ta hina meda pontunua pesomba ndi Ondae i Ue i tongano wita Masiri ka tugu pepopoto'ori ndi Ondae i Ue a ntidano.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Yosua 22:10

Mansado mehawe i Gelilo ia ngkorono Yarade, i wita Kana'a, onaemo ka inuleno i Rube, inuleno i Gadi ka asantia tongku Manase, mpowangu ira pontunua pesomba i ra'ai, i wiwino Koro Yarade, pontunua pesomba anu langkai.

Yosua 22:26

Onaemo ka kimpotae: Aiwamo ka to mpowangu pontunua pesomba tiato! Nde komba tiano pesomba tinunu ka komba tiano pesomba sinumbele,

Yosua 22:28

Ka i'amba kimpewowoloo: Tewala ia lembuaiano kanandio domempauo ndi ontae ka ia inuleto, asalakono kita mpotae: Kitao pontunua pesomba anu kana pontunua pesomba ndi Ondae i Ue atuu, anu winangudo ue mpu'u mami. Komba ta pontunua pesomba tinunu ba pesomba sinumbele, sine pontunua pesomba atuu gagi sakosii ndi omami ka omiu.

Yosua 22:34

Inuleno i Rube ka inuleno i Gadi numeeakono pontunua pesomba atuu: Sakosii, nde onaemo gagi sakosii i oloto nine Ondae i Ue, Ondaemo Ue Ala.

Yosua 24:27

Motae i Yosua ia luwuno tongku atuu, ”Menteeano ntu'u watu andio ta gagi sakosii ndi ontae, nde watu andio rumongeo luwu pau-Do i Ue anu pinau-Do ndi ontae. Gagi watu andio gagi sakosii ndi omiu, kasi mpehapu ia Ue Alamiu.”

1 Samueli 7:12

Ka i'amba i Semueli umalao asa watu ka i pontoroo i olono Misipa ka Yesana. Ineeakono Ebe-Haese, pengkonaano, ”Hawe i ndi'ai Dotulungi kita i Ue.”