Yosua 21:43 - Wunta Mempori

⁴³ Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

Yosua 21:43 ပူးပေါင်းရင်းမြစ်များ

Tegagia 12:7

Tempo atuu Ondae i Ue mepopokita ndi Burama ka Dopepau, ”Wita andio Aku weeako ira inulemu.” Ka i'amba i tu'ai iwanguo meda pontunua pesomba ndi Ondae i Ue anu mepopokita Iramo ndi onae.

Tegagia 13:15

Hangano, luwuno wita anu kinitamu atuu, Aku weeakomu ka inulemu ranta nahina tampulaano.

Tegagia 28:4

Po'ineeomo ka Doweeakomu ronsono i Burahima, ndi omue ka inulemu, ranta ka upe'ueo wita andio anu upo'iangario gagi mia mehawe anu Doweeako Iramo Ue Ala ndi Burahima.”

2 Tawarika 20:8

Ka do'amba mpo'iangario wita atuu, ka mpowangua-Komiu po'ianga mempori a nee-Miu. Dompotae:

Nehemia 9:24

Ka i'amba nana'ote atuudo mpewinsokio ka mpetorokio wita atuu. Ipokompetuudu ira to Kana'a i arodo, palilino wita atuu ka meweengakono luwuno mia atuu saru luwuno mokoledo ka luwuno tongku i wita atuu a ngkaedo, kai luwuno mia atuu doweweu ira montonda po'eheno aroado.

Nehemia 9:8

Ihaweo aroano metenunu ndi Omiu ka Komiu mowutu pedandia saru onae, Komiu weeako ira inuleno witado to kana'a, to Heti, to Amori, to Perisi, to Yebusi ka to Girigasi. Umariomo I'ihiio dandi-Miu, hangano mentee Komiu.

Po'unde-unde 105:8

Pedandia-Do Dorambeo ranta nahina tampulaano, pau anu pinakosi-Do tiano asa nsowu api inule,

Po'unde-unde 44:3

Saru kae-Miu isa'a Isaari iramo tongku, ka Itano ira; Isolangi ira suku tongku, Ipo'inee ira ntetiangi.

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Peluarakoa 3:8

Onaemo ka Kupetii ta motola ira inso a ngkaedo to Masiri ka tumaate ira mpeluarako inso ia wita atuu lumako ia wita anu moiko ka malua, asa wita anu hadio ntu'u susu ka siu hoani, a mpo'iangado to Kana'a, to Heti, to Amori, to Perisi, to Hewi ka to Yebusi.

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Podoaa 33:53

Asalakono impetorokio wita atuu ka mpo'ia i ra'ai, hangano ndi omiumo Kupeweengakono wita atuu ka impetorokio.

Podoaa 34:2

”Parenta iramo to isaraeli ka potaeako iramo: Tewala mpewinso komiu i wita Kana'a, ndiomo wita anu ta gagi tia pusakamiu, wita Kana'a montonda luwuno tidano.

Winali 11:31

Hangano omiu andio nami ta tehine komiu mensakio koro Yarade kai mpewinsokio ka mpetorokio wita anu Doweeakomiu i Ue, Ue Alamiu. Ka tewala komiu mpetorokio ka mpo'iangario,

Winali 12:29

Tewala Dopokoropuomo i Ue, Ue Alamiu inso i aromiu luwuno tongku anu witado impewinsokio ka impetorokio, tewala imeliahako iramo ka mpo'ia i witado,

Winali 17:14

Tewala mpewinso komiu ia wita anu Doweeakomiu i Ue, Ue Alamiu, ka impentorokio, saru mpo'ia i ra'ai, ka i'amba mpotae, ”Aku mompotoro mokoleku, kana luwuno tongku petengi-tengiku,”

Winali 34:4

Mepau Iramo i Ue ndi onae, ”Onaemo andio wita anu Kudandiakono sumpa ndi Burahima, ndi Saki, ka ndi Yako, kanandio: ’A inulemiumo Aku weengakono wita atuu.’ Kupo'ineeko kumitaakono matamu, sine nahi komesakiako raane.”

Yosua 1:6

Peteao, ka pokorosoo aroamu, nde omue anu ta gagi petewawado tongku andio mpe'ueo wita anu Kudandiako ira ka mesumpa ia ue mpu'udo ka domewineeako.

Yosua 21:42

Sompo kota atuu pada hinao wita pompakambia anu lumimbuo, kanandiomo luwuno kota atuu.

Puu Mpobitara 11:24

Nde komba ke anu rinontuno i Kamosi, anu pinesombaimiu, onaemo gagi tiamu? Kanandiomo luwuno anu rinontu-Do i Ue, Ue Ala mami, ndi omami, onaemo atuu gagi tia mami.

1 Samueli 12:8

Tempono i Yako mewinso i wita Masiri ka ue mpu'umiu mpeboo-booli ndi Ondae i Ue, onaemo ka Dotena ira i Ue i Musa ka i Haruni, anu wawa ira ue mpu'umiu mpeluarako inso i wita Masiri ka weweu ira mpo'ia a mpo'iangaa andio.