Yosua 2:9 - Wunta Mempori

⁹ ka motaeako ira, ”Kuto'orio, nine Ondae i Ue Dopeweengakonomo inia andio ndi omiu ka medoito kamimo saru luwuno palili inia andio.

Yosua 2:9 ပူးပေါင်းရင်းမြစ်များ

Tegagia 35:5

Umarino atuu mpelungka iramo. Mongkokongiria inso ndi Ondae Ue Ala umaluo luwuno kota petengi-tengido onaemo ka nahi domelinampui anano i Yako.

2 Samueli 17:10

Maupo asa mia moroso ntu'u anu aroano kana singa manasa ta mondende, hangano domento'orio luwu to Isaraeli, nine amamu atuu asa mia pongkiari ka anu tumonda ira onaemo luwuno mia tedoa moroso.

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

2 Mokole 7:6

Doweweu iramo i Ue sorodadudo to Arami atuu ka domporonge unino kareta, ngara ka bawaa sorodadu anu hadio, ranta ka dompepau pada ondaedo, ”Kitao, mokoledo to Isaraeli itambo iramo mokoledo to Heti ka luwuno mokoledo to Misiraimi umewai kita, ka domensapoi kita.”

Nehemia 6:16

Mansado merongeo luwuno iwalimami mongkona atuu, luwuno tongku petengi-tengimami gagi medoito. Tedoa ira memongkoko'ii ka mpokonto'orio nine anggaa atuu wineweu saru pepokowali-Do Ue Alamami.

Esetere 8:17

Kanatuu koa mbo'u sompo-sompo wita ka kota, ba isuamokoa parenta ka atorado mokole haweomo, hinao po'unde ka mawongkoa i olodo to Yahudi, ka pelimbua saru oleo mawongkoa. Ka mbo'u hadio inso i olodo palili i wita atuu mpewinso a nto Yahudi, hangano medoito iramo ndi ondae.

Ayubi 19:25

Sine kuto'orio Puu Pontolosiku Tuwu Ira, ka poko'ariano Ira mewangu inso a wawo pampawu.

Po'unde-unde 112:10

Mia mosa'o gauno kumitao, ka i'amba mahaki aroa, ipokingkio ngisino, ka i'amba gagi motewe aroa; po'eheno mia mosa'o gauno te'aro a matea.

Po'unde-unde 115:16

Langi atuu langi-Do i Ue, tolino Doweeako ira anano mia.

Peluarakoa 18:11

Kanandio-andio kuto'oriomo, nine Ondae i Ue lalu langkai pabawa-Do sekonopo luwuno lahumoa, ka Doweweu ira kanatuu hangano to Masiri mpopelangka-langkai iramo ndi ondae.”

Peluarakoa 23:27

Doitoa ndi Ongkue Aku tumenao mese'elungi komiu. Aku sumiarawo ira luwuno tongku anu hinawemiu, ka Aku weweu ira luwuno iwalimiu mpewolili mempolai inso ndi omiu.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yesaya 23:5

Mansano teronge hawe i Masiri, ira mpondidi-ndidi kana tempono domerongeo lele mongkona Tirusi.

Yeremia 27:5

Ongkuemo saru roso-Ku anu langkai ka tokiaku anu tetasiako mokogagio tolino, mia ka pinotuwu anu kongko i wawontolino, ka Kupeweengakono a mia anu mentee a pongkita-Ku.

Nahumi 2:10

Londa, telondahi ka pompokotampulaa! Aroa gagi telusa ka oluntuu telelu! Tonga mokalu luwu, ka rupano luwuno mia momite ntu'u.

Podoaa 20:14

Ka i'amba i Musa montena mia inso i Kadesi a mokoledo to Edomi saru pe'oliwi, ”Kanandiomo paudo pepaekompomiu to Isaraeli: Ito'orio luwuno masusaa anu umari umalu kami,

Podoaa 20:24

”I Haruni ta pinumpu a uempu'uno, hangano onae nahi ta mewinso a wita anu Kuweeako ira to Isaraeli, hangano orua komiu i'ewaiomo petena-Ku umpeda mata uwoi Meriba.

I MATIU 20:15

Nde nahi moikoke kupakeo arataaku montonda po'eheono aroaku? nde mosa'omuke hangano pe'aroaku?

Winali 11:25

Nahina anu ta polio mekorahako umaropi komiu. Ondae i Ue, Ue Alamiu Ira weweuo luwuno wita anu linandamiu atuu gagi mpondende ka doito ndi omiu, kana anu dinandi-Do i Ue ndi omiu.

Winali 2:25

I oleo andio Aku mompu'u mompotii a luwuno tongku i asa wawontolino pondendea ka doitoa ndi omiu. Ira merongeo mongkona omiu, ka dompondidi-ndidi ka mpondende hangano omiu.”

Winali 28:10

Manasa luwuno tongku i tolino ira mengkitao, nine nee-Do i Ue pinau ndi omiu, ka ira medoito ndi omiu.

Winali 32:8

Tempono Ondae anu Tedoa Mantande, montia pusaka a luwuno tongku, tempono Doponsiao luwuno mia, Dopakosio witado luwuno tongku montonda doano luwuno anano i Isaraeli.

IBARANI 11:31

Hangano pompe'ala-ala onaemo i Rahabi, beine belesu atuu, nahi mate merongaako ira mia mpe'ewa, hangano moiko itotowo ira anu mempadaso atuu.

Yosua 2:11

I tempono kimerongeo lele atuu molusaomo aroamami ka namihina sumangano sompo mia umewai komiu, nde Ondae Ue, Ue Alamiu, Ue Ala anu iwawono langi, ka i totono langi.

Yosua 2:24

Dompotae ndi Yosua, ”Ondae i Ue dopewengakonomo luwuno inia ndi'ai a ngkaeto, ka luwuno palili i inia atuu medoito ira umaropi kita.”

Yosua 2:8

Sine ka napi dopoturi mia atuu, mewuatakoomo beine atuu tepohaweako ira

Yosua 5:1

I tempono luwudo Mokole to Amori anu mpo'ia i sumooano oleo koro Yarade ka luwuno mokoledo to Kana'a ia wiwi ntahi, motae Ondae i Ue mokomo'areo koro Yarade i arodo to Isaraeli, onae ka dompokompesakiako, molusaomo aroado ka nami hina sumangado ira mpe'iwaliako ira to Isaraeli.

Yosua 6:2

Mepau Iramo i Ue ndi Yosua, ”Kitaomo, Aku moweeko inia Yeriko saru mokoleno ka pongkiarino anu moroso ntu'u.

Yosua 9:10

ka luwuakoano anu wineweu-Do a orua mokoledo to Amori, i asambalino koro Yarade, Sihoni, mokole Hesiboni, ka i Ogo, mokole i Basani, anu mpo'ia i Asita.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.

Yosua 9:9

Domesangkio, ”Me'inso kami a olaiano ue, omami andio, mehawe kami hangano nee-Do i Ue, Ue Ala miu, ka kimerongeomo lele mongkona Ondae, luwuakoano anu wineweu-Do i Masiri,

Puu Mpobitara 7:14

Ka i'amba sumangki walino, ”Ndio asalakono ponaino i Gideo anano i Yoasi, to Isaraeli atuu. Dopeweengakonomo Ue Ala to Midia ka luwuno kema andio ia ngkaeno.”