Yosua 2:4 - Wunta Mempori

⁴ Sine beine atuu se'eluno iwawa iramo orua mia atuu ka iwuni ira. Ka ipotae, ”Lano mia atuudo hawe ira ndi ongkue, sine nahi kuto'orio insoado,

Yosua 2:4 ပူးပေါင်းရင်းမြစ်များ

2 Mokole 6:19

Ka i'amba i Elisa motaeako ira, ”Komba onae andio salano, ka komba onae andio kotano. Imentonda aku, ka kuwawa komiu a mia anu inungkemiu.” Ka i'amba wawa ira melako i Samaria.

Peluarakoa 1:19

Sumangki ira sando mpe'ana atuudo ndi Pirao, ”Hangano beine to Ibarani nahi dompekena kana beine to Masiri; ondae memoroso ira. Napi dohawe sando mpe'ana, mpe'ana iramo.”

YAKOBU 2:25

Ka kombake kanandio koa mbo'u i Rahabu, mia belesu atuu, pinokomentee hangano luwuno wineweuno, tempono iwuni ira mia anu tinena atuu i laro rahano, ka i'amba tumulungi ira metolahako telalo a nsala susua?

Yosua 2:3

Montenaomo mokole Yeriko lumako pauakono i Rahabu, ”Wawa iramo meluarako mia anu hawe ndi omue atuu, anu mewinso i rahamu nde hawe ira padasoo luwuno inia andio.”

Yosua 2:5

i tempono pewowa inia tamo tinondo rangku wongi, meluarako iramo mia atuu; nahi kuto'orio, ba isua dolako. Laluopo impodadu lumulu ira, asalakono da komiu humawe ira.”

Yosua 6:17

Inia atuu ka luwuno ihino Dopakosio i Ue, pinokoropu, butu i Rahabu beine belesu atuu, pinotuwu, saru luwuno pe'etuno anu mpe'asaakono ia rahano, hangano iwuni iramo mia anu tinenato.

Yosua 6:25

Kanatuumo i Rahabu, beine belesu atuu ka pe'etuno ka luwuno mia pe'asano ipo'inee ira i Yosua ka domentuwu. Mpo'ia iramo beine atuu i tonga-tongado to Isaraeli ranta hawe kanandio, hangano dowuni iramo mia tinenano i Yosua padasoo kota Yeriko.