Yosua 2:14 - Wunta Mempori

¹⁴ Sumangki ira mia atuu ndi onae, ”Penaamami gagi pe'inia ndi omiu, polomokoa kasi popauo hapa ki'aiwaako andio; nde ba Dopewengakonomo i Ue inia andio ndi omami, kamimo mopokitaakomu pontarimakasi ka petenunumami ndi omue.”

Yosua 2:14 ပူးပေါင်းရင်းမြစ်များ

Tegagia 24:49

Kanandio-andio, tewala behekomiu mpopokitao pompehohawa ka petenunumiu ndi ondae ueku atuu, ipauakunemo. Tewala naahi, ipauakune koa mbo'u, ka kupewolili i koana ke i manggali.”

Tegagia 47:29

Mansano umpedaomo mateano i Isaraeli, ipoboio i Yusupu, anano, ka ipotaeakono, ”Tewala mohawe aku pompehohawamu, po'ineeomo ka unaao kaemu i totono puu mpa'aku, ka pesumpamo nine omue komopokitao pompehohawa ka petenunumu ndi ongkue: Si kaburu aku i Masiri.

2 Samueli 2:5

Onaemo i Daudi ka ipontena mia lumako a nto Yabesi-Gilea saru pe'oliwi, ”Doronsokomiumo i Ue, hangano impopokitaomo pompehohawa ka petenunumiu a ue miu i Saulu, ka imengkaburuo.

2 Samueli 2:6

Kanandio-andio, po'ineeomo Ondae i Ue tumisoakomiu pompehohawa ka pongkongkomi-Do ndi omiu. Ongkue mbo'u aku moweweu moikoa anu mengkena ndi omiu, hangano imeweweuomo anu kanatuu.

2 Samueli 9:1

Motae i Daudi, ”Da hinao ke mia anu tuwu inso i olono somborino i Saulu, ka kupopokitaakono pompehohawaku ndi onae hangano i Yonata?”

1 Mokole 20:39

Mansado telalo mokole, onae mebooli mekalaki ndi ondae mokole, ipotae, ”Tempono atamiu andio lamako a mpeteaa, hinao mia mansa bintao baresi ka iwawao asa mia ndi ongkue, ipotae: Dagaio mia andio, tewala mansa tetadi, penaamu gagi euno penaano, ke asalakono komo'owawi asa talenta salaka.

Powadi 14:22

Nahi tesaake mia anu mosongka wineweu mosa'o? Sine anu mosongka mongkona anu moiko mohawe pompehohawa ka petenunu.

Powadi 18:24

Hinao wali-wali anu mowawa masolaa, sine hinao sambe'e anu rangkuopo sekono asa mia pepaekompo.

I MATIU 5:7

Me'uraomo mia anu me'aroa, hangano ira mpohawe pe'aroaa.

WINEWEUDO TINENA 23:22

Ka i'amba petewawado sorodadu tumenao mangalitau atuu ka ipekule ka iparentao, ”Si pauo maupo ndi semamo koa, nine upauakunemo mongkona andio.”

Yosua 2:13

nine komiukoa mo'inee ira ka dotuwu amaku ka ineku, pepaekompoku anu tama ka beine ka luwuno miado, ka komiukoa tumolosio penaa mami inso a matea.”

Yosua 2:15

Ka i'amba beine atuu motii ira mepowuluako ula mesala ia pentangoa, nde rahano mentade ia rerewatu kota, i tu'aimo ipo'ia.

Yosua 6:17

Inia atuu ka luwuno ihino Dopakosio i Ue, pinokoropu, butu i Rahabu beine belesu atuu, pinotuwu, saru luwuno pe'etuno anu mpe'asaakono ia rahano, hangano iwuni iramo mia anu tinenato.

Yosua 6:22

Sine orua ira mia anu mompadaso atuu ipotaeako ira i Yosua, ”Ipewinso ia rahano beine belesu atuu wawa ira mpeluarako ka luwuno mia anu i laro rahano, kana anu idandiakonomo ka mesumpa ndi onae.”

Yosua 6:25

Kanatuumo i Rahabu, beine belesu atuu ka pe'etuno ka luwuno mia pe'asano ipo'inee ira i Yosua ka domentuwu. Mpo'ia iramo beine atuu i tonga-tongado to Isaraeli ranta hawe kanandio, hangano dowuni iramo mia tinenano i Yosua padasoo kota Yeriko.

1 Samueli 20:8

Tewala kanandio, popokitaomo petenunumu ndi ongkue, hangano umarikomo moweweu pedandia i aro-Do i Ue saru ongkue. Tewala hinao salaku, omuemu mepate aku. Tembio ka upeweengako aku ndi ondae amamu?”