Yosua 2:1 - Wunta Mempori

¹ Menongkoakoomo i Yosua anano i Nunu montena inso i Sitimi orua mia pompadaso, ipotae, ”Ilakomo poporoo inia atuu, ka kota Yeriko.” Lumako iramo mia atuu, ka hawe i rahano aasa beine belesu anu meneeako i Rahabu, ka doperato i tu'ai.

Yosua 2:1 ပူးပေါင်းရင်းမြစ်များ

Tegagia 42:16

Impontenamo asa mia inso i olomiu lumako umalao uaimiu atuu, sine anu susuano asalakono tinaha i ndi'ai. Ba kanandio, tamo pinokonto'ori menteeno pinaumiu; tewala naahi, me'empehiako tuwuno i Pirao, mentee ntu'u omiu andio puu pompadaso.”

Tegagia 42:9

Ka i'amba mokompewowoloo i Yusupu luwuno mo'ipino mongkona ondae. Ipotaeako ira, ”Omiu andio puu pompadaso; omiu me'aiwa mengkitao molemano wita andio.”

Mika 6:5

Bawaa-Ku, impewowoloomo hapa anu tinoono i Balaki, mokole i Moabi, hapa sangkino i Bilea anano i Beori ndi onae ka pelempaa inso i Sitimi hawe i Giliga, ka upokonto'orio luwuno wineweu-Do i Ue anu moleo.”

Podoaa 13:1

Mepau Ira i Ue ndi Musa,

Podoaa 13:2

”Pontenamo ba te'opia mia padasoo wita Kana'a, anu Aku weeako ira to Isaraeli. Inso a sompo sukuno uempu'udo, omue asalakono montena asa mia, luwuno petewawa i olodo.”

Podoaa 25:1

Kontongaado to Isaraeli mpo'ia i Sitimi, mpopu'u iramo tongku atuu mponsosabo saru beinedo to Moabi.

Podoaa 33:49

Mpekema ira i wiwi ngkoro Yarade, inso i Beti-Yesimoti hawe i Abeli-Sitimi i lembono Moabi.

I MATIU 1:5

i Salomo kumombiao i Rahabi dope'anaakono i Boasi, i Boasi kumombiao i Ruti, dope'anaakono i Obe, i Obe me'anaakono i Isai,

I MATIU 10:16

”Kitao, Kutena komiu kana bimba i tonga-tongano serigala, onaemo pu'uno ka imempade mpe'aka kana ule ka imemauru kana marapatii.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

IBARANI 11:31

Hangano pompe'ala-ala onaemo i Rahabi, beine belesu atuu, nahi mate merongaako ira mia mpe'ewa, hangano moiko itotowo ira anu mempadaso atuu.

YAKOBU 2:25

Ka kombake kanandio koa mbo'u i Rahabu, mia belesu atuu, pinokomentee hangano luwuno wineweuno, tempono iwuni ira mia anu tinena atuu i laro rahano, ka i'amba tumulungi ira metolahako telalo a nsala susua?

Yosua 1:18

Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”

Yosua 2:2

Ka i'amba pinauako ira mokole Yeriko, motae, ”Hieno wongi, hinao mia to Isaraeli anu hawe padasoo inia andio.”

Yosua 21:31

Heleka saru wita pompakambiano, ka Rehobi saru wita pompakambiano, luwuno opaa kota.

Yosua 3:1

Da mo'oru, mewanguomo i Yosua saru luwudo to Isaraeli, mpelungka te'inso i Sitimi, ka hawe iramo ia Koro Yarade, mperato iramo i ra'ai, se'eluno napi dompesakiako.

Yosua 5:10

Kontongaado mpo'ia i Giliga, to Isaraeli mporame-rame ira oleo Pasa, oleo kohopulu ka opaa wula atuu, ia ngkiniwia i lembono Yeriko.

Puu Mpobitara 1:23

Inuleno i Yusupu tumena ira padasoo Beteli atuu. Neeno kota atuu se'eluno onaemo Lusu.

Puu Mpobitara 18:14

Mpotae iramo mia olima atuu anu umari mempadasoo wita Laisi atuu. Mpotae ira ia pe'etudo, ”Imento'orioke, motae ilaro raha andiodo hinao lemba epo, terapi, tinaha ka tinaha hinola? Onae ka imento'oriomo hapa anu ta wineweumiu!”

Puu Mpobitara 18:17

Ka olima ira anu melako iramo padasoo wita atuu mpelempa mpiha, mpewinso i larono ka dome'alao tinaha, epo, terapi, tinaha hinola atuu. Sando mpewomba atuu mentade ia mpewowa kota, saru nomo'etu mia anu mpesangka mpetea atuu.

Puu Mpobitara 18:2

Onaemo inuleno i Dani montena olima mia inso ia luwuno tongkudo, luwudo mia anu moroso ntu'u, te'inso i Sora ka Esitaolo, anu paresao inia atuu ka dopotaeako ira, ”Imelakomo padasoo inia atuu.” Mansado mehawe a mentorukuno Eparai rahano i Mika, mperato iramo i ra'ai.