Yosua 18:1 - Wunta Mempori

¹ Mentepumpu iramo luwudo to Isaraeli i Silo, ka dompoweweu kema tepumpua i ra'ai, nde wita atuu mpetuundu iramo ndi ondae.

Yosua 18:1 ပူးပေါင်းရင်းမြစ်များ

2 Samueli 7:6

Nahi Kuhori mo'ia a laro raha tumampu'u Kutaate ira to Isaraeli inso i wita Masiri hawe oleo andio. Wela Aku melakopi ka mo'ia a laro ngkema gagi po'iangaa-Ku.

1 Mokole 14:2

Ka i'amba i Yerobea motaeakono kombiano, ”Pepatindamo! Po'onde-ondemo kana mia susua, kasi domento'oriko mia nine omue kombiano i Yerobea, ka lakomo i Silo. Nde komba i ra'ai ke po'iangano nabi Ahia. Onae anu umari pauo mongkona ongkue, nine ongkue ta gagi mokoledo tongku andio.

1 Mokole 14:4

Kombiano i Yerobea weweuo kanandio. Mepatindaomo ka ilako i Silo ka ipewinso a rahano i Ahia. I Ahia nami pongkita mbo'u, matano morawuomo hangano tinuwuno.

1 Mokole 2:27

Umarino atuu i mokole Salomo mokompenaa-naao i Abiata inso a mpo'anggaano gagi sando mpesomba-Do i Ue. Kanandiomo i'ihiio i Salomo pau-Do i Ue anu Dopauomo i Silo mongkona somborino i Eli.

Nehemia 9:24

Ka i'amba nana'ote atuudo mpewinsokio ka mpetorokio wita atuu. Ipokompetuudu ira to Kana'a i arodo, palilino wita atuu ka meweengakono luwuno mia atuu saru luwuno mokoledo ka luwuno tongku i wita atuu a ngkaedo, kai luwuno mia atuu doweweu ira montonda po'eheno aroado.

Po'unde-unde 78:60

Dotadio po'ianga-Do i Silo kema anu pino'iangari-Do i olono mia;

Po'unde-unde 78:66

Donangi ira luwu iwali-Do, Doweweu ira ntekoko'ii ranta nahina tampulaano.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 26:9

Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue.

Yeremia 41:5

mehawe iramo mia inso i Sikemi, i Silo ka i Samaria, hadiodo halo pulu mia, saru danggo tekeru, sangkado teberi-beri ka koroido ntesosoreki. A ngkaedo hinao pesomba kaanga ka dupa ta pinesombaako a Raha-Do i Ue.

Podoaa 32:22

ranta wita atuu metenunu i aro-Do i Ue, ka tewala lembuino mpekule komiu, asalakono bebasi komiumo inso a parenta-Do i Ue ka a nto Isaraeli, ka wita mbo'u andio ta gagi tiamiu i aro-Do i Ue.

WINEWEUDO TINENA 7:45

Kema atuu anu tinarimado uempu'uto ka a mpetewawano i Yosua winawa mewinso i wita andio, onaemo tempono ipinongko'ala wita andio inso a luwuno tongku susua anu sinaari-Do Ue Ala inso i arodo uempu'uto; Kanandiomo hawe a tempono i Daudi.

Yosua 18:2

I tempo atuu da opitu tongku i olodo to Isaraeli, napi dompohawe tia pusaka.

Yosua 18:8

Ka do'amba mpompakale mia atuudo ka domelako. Itena ira i Yosua melako ka domeburio ta'ano wita atuu, ipotae, ”Imelakomo mpelempa memparesao wita atuu imeburio ta'ano, ka i'amba mpekule ndi Ongkue; ka i ndi'ai i Silo aku umundiakomiu i aro-Do i Ue.”

Yosua 19:51

Onaemo atuu pusaka anu inundido i olodo luwuno tongku to Isaraeli i Silo itempono sando mpesomba Eleasa, ka i Yosua anano i Nunu ka luwuno petewawa pepe'etua i aro-Do i Ue pewowano Kema Tepumpua. Kanatuumo dompetiao wita atuu.

Yosua 21:2

ka dompotae ndi ondae i Silo i wita Kana'a, kanandio, ”Ondae i Ue metena Iramo ndi Musa, ka doweekami luwuno kota gagi po'ianga mami ka luwuno wita pompakambia pinotuwu mami.”

Yosua 22:12

Mansano domerongeo to Isaraeli, tepumpu iramo luwu i Silo, ira mpe'iwaliako ira.

Yosua 22:19

Sine ba mansa wita miu atuu mokoburu, aiwa tompe'asatowaako ia wita-Do i Ue, po'iangaano Kema Mempori-Do i Ue, ka impo'iamo ndi omami. Sine sii me'ewai ira Ondae i Ue ka sii me'ewai kami, mpowangu pontunua pesombaa miu anu susua sangkadio pontunua pesomba ndi Ondae i Ue, Ue Alato.

Yosua 22:9

Mpekule iramo inuleno i Rube, inuleno i Gadi ka tongku Manase anu asantia atuu ka domebinta ira to Isaraeli, mpeluarako inso i Silo i wita Kana'a ka lumako i wita Gilea witado anu ira mpo'iangario montonda petena-Do i Ue ndi Musa.

Puu Mpobitara 18:31

Kanandiomo domenaao tinaha anu wineweuno i Mika gagi tiado, ka tinaha atuu kongko i ra'ai tempono raha-Do Ue Ala kongko i Silo.

Puu Mpobitara 21:12

Mpohawe ira i olodo to Yabesi-Gilea pato etu anu da ana beine, anu napi dohori mpoturi saru tama. Onaemo ka luwuno ana beine atuu dowawa ira ia mpekemaado i Silo, wita Kana'a.

Puu Mpobitara 21:19

Ka dompotae mbo'u, ”Sompo ta'u hinao pompelangkai ndi Ondae i Ue i Silo i utarano Beteli, i sabaano oleo sala langkai anu tetutu inso i Beteli lumako i Sikemi ka te'alaako i selata Lebona.”

1 Samueli 1:24

Mansano tepotoeomo mo'uo nana'ote atuu, da kodei iwawaomo beine atuu i raha-Do i Ue i Silo saru asa sapi lakino tinuwuno otolu nta'u, asa efa tarigu ka asa kadu anggoro.

1 Samueli 1:3

Sompo ta'u i Elikana inso i Rama lumako mesomba ka mompesombaako pesombano ndi Ondae i Ueno luwuakoano i Silo. Orua ira anano i Eli, onaemo i Hopini ka i Pineha gagi sando mpesomba-Do i Ue i ra'ai.