Yosua 14:12 - Wunta Mempori

¹² Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Yosua 14:12 ပူးပေါင်းရင်းမြစ်များ

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

Po'unde-unde 44:3

Saru kae-Miu isa'a Isaari iramo tongku, ka Itano ira; Isolangi ira suku tongku, Ipo'inee ira ntetiangi.

Po'unde-unde 60:12

Kombake Omiu, oo Ue Ala, anu tumadi kamimo? Omiu nahi lako, oo Ue Ala, meronga-ronga bawaano sorodadumami.

Podoaa 13:28

Butu koa, tongku anu mpo'ia i wita atuu memoroso ira, luwuno kotano mebente ka langkai ntu'u. Inuledo mbo'u to Enaki kimengkita iramo i ra'ai.

Podoaa 13:33

Kimengkitao mbo'u i ra'ai mia melolangkai, inuleno i Enaki te'inso a mia melolangkai. Kimengkitao koroi mami kana kosume, kanatuu koa mbo'u domengkita kami.”

Podoaa 21:34

Sine, mepau Ira i Ue ndi Musa, ”Siimo doitoakono, hangano Aku meweengakono saru luwuno palilino ka witano a ngkaemu. Asalakono weweuo ndi onae kana anu wineweumu ndi Sihoni mokoledo to Amori anu mo'ia i kota Hesiboni.”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 1:28

Isua mbo'u kita melako? Ondae pepaekompoto meweweuomo aroato ntelusa, dompotae: Mia atuudo melolangkai ka me'ondau irapo sekono ontae, luwuno kotado langkai ka luwuno bente pekorahakoa hawe i langi, ka kimengkita ira mbo'u to Enaki i ra'ai.”

Winali 9:1

Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

PILIPI 4:13

Luwuakoano kupokotembio ndi Ondae anu moweeakune roso.

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,

Yosua 15:14

Ka i Kalebi sumaari ira inso i ra'ai otolu ira to Ena, onaemo i Sesai, Ahimani, ka Talamai, anano i Ena.

Puu Mpobitara 1:20

Ndi Kalebi wineakoomo i Hebero, kana anu pinauno i Musa ndi'ipua, ka te'inso i ra'ai isaari ira anano i Ena otolu ira.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”