Yosua 13:13 - Wunta Mempori

¹³ Sine to Isaraeli nahi domponsaari to Gesuri ka Maaka atuu, onaemo Gesuri ka Maaka da mpo'ia ira mpiha i olodo to Isaraeli ranta kanandio.

Yosua 13:13 ပူးပေါင်းရင်းမြစ်များ

2 Samueli 10:6

Inuleno i Amoni dompokonto'orio nine tedoa do'o'aliako ira i Daudi, inuleno i Amoni montena mia montambo rua pulu nsowu sorodadu mpelempa karu inso a to Arami-Beti-Rehobo ka inso to Arami-Soba, asa nsowu mia inso a mokole wita Ma'aka ka hopulu ka orua nsowu inso i olodo to Tobi.

2 Samueli 3:3

Anu ko'orua i Kileabi, anano inso ndi Abigai, beine to Karameli, umari kombiano i Naba. Anu ko'otolu onaemo i Abisalo, anano inso ndi Maaka, ana beineno i Talamai mokole i Gesuri.

Podoaa 33:55

Sine tewala nahi mensaario palilino wita atuu inso i aromiu, luwuno mia anu pino'ineemiu tuwu inso ndi ondae, ta gagi kana siba a matamiu ka kana rui anu dumuhuo horimiu, ka ira mensapoikomiu i wita po'iangamiu atuu.

Winali 3:14

I Yaeri, anano i Manase, umalao luwuno pinebawaino i Arigo hawe tida witado to Gesuri ka to Ma'aka. Wita atuu, Basani, nineeako montonda neeno koroino ”Hawoti-Yaeri”, hawe oleo andio.

Yosua 12:5

ka meparenta i torukuno Heremoni, i Salika, ka luwuno Basani hawe i wita to Gesuri ka mia Maaka ka entongano wita Gilea hawe i witado Sihoni mokole Hesiboni.

Yosua 13:11

ka i'amba Gileadi ka witado to Gesuri ka to Maaka, ka luwuno torukuno Heremoni ka luwuno wita Basani hawe i Salaka.

Yosua 13:12

Luwuno poparentaa Ogo i Basani anu memparenta i Asitaro ka Ederei, onaemo anu da tuwu inso a toreado mia Repaimi anu ninangino ka sinaarino i Musa.

Yosua 13:14

Butu ia tongku Lewi nahi domewineeako pusakado anu gagi pusakado: Anu gagi pusakado onaemo pesomba anu tinunuako api tia-Do i Ue, Ue Alado to Isaraeli, kana Dodandiako ira ndi ondae.

1 Samueli 27:8

I Daudi saru luwuno miano, melako mensapoi ira to Gesuri, to Girisi ka to Amale. Ondaemo andio palili anu mpo'ia i wita anu menggoe inso i Telami te'aro i Suri hawe i wita Masiri.