Yosua 12:1 - Wunta Mempori

¹ Ndiomo luwuno mokole anu tenangi ia nto Isaraeli ka witado dompentorokio to Isaraeli i asatowano Yarade te'alaako i sabaano oleo, inso ia koro Aranoni hawe i torukuno Heremoni, ka luwuno Araba-Yarade i sabaano oleo:

Yosua 12:1 ပူးပေါင်းရင်းမြစ်များ

1 Mokole 4:19

ka i Geberi anano i Uri, i wita Gileadi, witano i Sihoni, mokoledo to Amori, ka witano i Ogo, mokoledo to Basani. Hinao mbo'u asa petewawado a luwuno wita.

Po'unde-unde 133:3

Kana tontoruno Torukuno Heremoni anu metii a wawo luwuno torukuno Sioni. Hangano i ra'aimo Doparentao i Ue ronso, tuwua anu nahina tampulaano.

Po'unde-unde 136:21

ka weeako ira witado gagi tia pusaka, menteeano ranta nahina tampulaano pompehohawa-Do;

Po'unde-unde 89:12

Omiu koa me'ueo langi, Omiu koa mbo'u me'ueo tolino, wawontolino saru ihino Omiu koa mokogagio.

Yesaya 16:2

Kana manu-manu anu menee mepaso'ulu, sinaari inso a nsenono, kanatuumo ana beineno Moabi a luwuno pesakia a ngkoro Aranoni.

Podoaa 21:13

Ka inso i tu'ai mpelungka ira mbo'u ka mpekema i asa towano Koro Aranoni anu i pada one ka anu waa meluarako inso i witado to Amori, hangano Koro Aranoni onaemo tida wita Moabi, i olodo to Moabi ka to Amori.

Podoaa 21:21

Ka do'amba to Isaraeli mpotena mia lumako ndi Sihoni, mokoledo to Amori, saru pe'oliwi,

Podoaa 21:24

Sine, to Isaraeli menangiakono mata mponai ka mpetorokio witano, inso a ngkoro Aranoni hawe a ngkoro Yabo, hawe a inuleno i Amoni, hangano tida witado inuleno i Amoni atuu tedoa moroso.

Podoaa 32:19

hangano nahi kami mebehe mpontarima tia pusaka i asatowano koro Yarade i ra'ai ka iraane, tewala mpohawe kami tia pusaka i asatowano koro Yarade i ndi'ai, i sabaano oleo.”

Podoaa 32:32

Kami koa mpesakiako saru mpesangka mpetea i aro-Do i Ue melako i wita Kana'a, sine ndi omami tepakosiomo wita tia pusakamami i asatowano i ndi'ai koro Yarade.”

Podoaa 32:33

Ka i'amba a inuleno i Gadi, a inuleno i Rube ka a entongano suku Manase inuleno i Yusupu iweeako iramo i Musa poparentaano i Sihoni, mokoledo to Amori ka poparentaano i Ogo, mokole i Basani, moiko witado maupo luwuno kotano i asa wawo wita atuu, tewinso luwuno wita petengi-tengino kota atuu.

Winali 2:24

”Impepatindamo, mpelungka ka imensakiomo Korono Aranoni. Kitaomo Kupeweengakono a ngkaemu i Sihoni, mokole i Hesiboni, to Amori atuu saru witano. Pompu'umo pentorokio wita atuu ka peteaakonomo.

Winali 2:32

Ka i'amba i Sihoni ka luwuno sorodaduno me'aiwa rumangkuhi kita, ka ira mpetea umpeda i Yahasi.

Winali 3:1

Ka to'amba mpelengkuako melako te'aro i Basani. I Ogo, mokole i Basani saru luwuno sorodaduno, me'aiwa rumangkuhi kita ira mpetea i Ederei.

Winali 4:44

Ndiomo songka Taura anu pinohaweno i Musa a nto Isaraeli.

Winali 4:46

i asatowano Koro Yarade, i lembono tepo'aro saru Beti-Peori, i witano i Sihoni, mokoledo to Amori anu mo'ia i Hesiboni. Onae inangio i Musa ka to Isaraeli a laro pelempaado mpeluarako inso i wita Masiri.

Winali 4:48

Wita pinebawai atuu mompu'u inso i Aro'eri, i wiwi Ngkoro Mo'are Aranoni, hawe a Ntorukuno Sirioni, onaemo atuu Torukuno Heremoni,

Yosua 1:15

ranta Ondae i Ue moweeako ira rodoa ia pepaekompomiu kanakoa mbo'u ndi omiu, ka ira mbo'u impo'iangario inia anu ta weeako ira i Ue, Ue Alamu. Umari atuu moikoomo impekule i inia miu ka impo'iangario anu iweakomiu i Musa tetenaa-Do i Ue atuu i asatowano koro Yarade, te'alaako i sabaano oleo.”

Yosua 11:17

mompu'u inso ia ntorukuno Gundu, anu morake lumako i Seiri, hawe i Baala-Gadi i lembono torukuno Libano, ia pu'uno torukuno Heremoni. Irako ira luwu mokoledo ka ipepate ira.

Yosua 11:3

onaemo mokoledo to Kana'a ia sabaano oleo ka i sumooano oleo, to Amori, to Heti, to Perisi, to Yebusi a mentorukuno, ka to Hewi ia mpu'uno torukuno Heremoni, i wita Misipa.

Yosua 13:8

Mperonga-ronga ka tongku Manase anu entongano mbo'u, to Rube ka to Gadi mpohawe iramo tia pusakado, anu doweeako ira i Musa ndi ondae i sabaano oleo koro Yarade, kana anu ipakosiomo i Musa, tetenaa-Do i Ue atuu, ndi ondae,

Yosua 22:4

Sine kanandio-andio Ondae i Ue, Ue Alamu, Dopoweeako iramo rodoa ndi ondae pe'etumu, kana anu Dodandiako ira i Ue ndi ondae. Onaemo ka impekulemo ia kema miu, i wita miu, anu Doweeakomiumo i Musa, tetenaa-Do i asa towano Yarade.

Puu Mpobitara 11:18

Ka do'amba mpelempa melaloo pada one, tumanggolilio wita Edomi ka wita Moabi, hawe i sabaano oleo wita Moabi. Mpekema ira i asatowano koro Aranoni, sine nahi dompewinso a witado to Moabi, hangano Koro Aranoni onaemo tidano wita Moabi.