Yosua 11:6 - Wunta Mempori

⁶ Mepau Iramo i Ue ndi Yosua, ”Sii doito umaropi ira, nde tisomo bara'ura kana langku kanandio, Aku meweengako ira memate luwu a nto Isaraeli. Ngarado asalakono impepate ira, karetado asalakono imentunuo.”

Yosua 11:6 ပူးပေါင်းရင်းမြစ်များ

2 Samueli 8:4

Inso ndi Hadadeseri, i Daudi montawa asa nsowu ka pitu etu sorodadu mpengara ka rua pulu nsowu sorodadu mpelempa ngkaru. Ka i'amba i Daudi tumena ira mentotopio ia wenggo-wenggono luwuno ngara pompae kareta, sine pinetorea asa etu.

2 Mokole 6:16

Sumangki i Elisa, ”Si doito, hangano hadioopo anu kumongkomi kita sekonopo anu kumongkomi ira.”

2 Tawarika 20:16

Tisomo asalakono impetii sumapoi ira. Ondae ira mporake a mporakea Sisi, ka komiu humawe ira i untuno lembono, i arono pada one Yerueli.

Po'unde-unde 46:10

anu mokompenaa-naao peteaa hawe i tompano tolino, anu puduo wo'eno pana, mokobondao kansai, anu sumongko ira kareta mpetea!

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:9

Lakomo, kitaomo inangga-Do i Ue, anu weweuo poropua i tolino,

Powadi 20:7

Mia anu mentee nahina tataano peleluno, me'uraomo inuleno.

Yesaya 30:16

tendeano impotae, ”Naahi, kami mpolai mpesawi a ngara,” onaemo ka komiu mpolai nahi teto'ori pe'aroamiu. Mpotae komiu mbo'u, ”Kami mpesawi a ngara anu magasi,” ka ta kanatuu koa mbo'u magasido anu lumulu komiu.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yehesikieli 39:9

Palilino luwuno kota i Isaraeli ira mpeluarako, mpolangao api, ka mentunuo pepatinda parewa mpeteano i Goge, kana kanta kodei ka langkai, wo'e ka ana mpana, tuko pontunduhi ka kansai. Domentunuo i larono opitu nta'u.

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Nahumi 2:13

Kitao, Aku gagi iwalimu, kanandiomo pau-Do Ueno luwuakoano, Aku tumunuo karetamu gagi ahu, ka ponai ta pingko kumaano singa monguramu; Aku mokotampulao kaangamu inso i wawontolino, ka pepaudo tinenamu nahi ta teronge mbo'u.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

Yosua 11:5

Mokole andiodo ntepo'asa, aiwa mpekema mperonga-ronga umpeda mata uwoi Meromi, mpeteaako ira to Isaraeli.

Yosua 11:7

I Yosua ka luwudo sorodaduno tepohaweako ira nahi domengkokooo umpeda a mata uwoi Meromi, ka domensapoi ira.

Yosua 11:9

Iweweu ira i Yosua kana anu Dopauakono i Ue: Ngarado mensinolangi ka karetado mentinunu.

Yosua 3:5

Motaeomo i Yosua ia tongku atuu, ”Pokomemporio koroimiu, nde tisomo Ondae i Ue Ira moweweu anu kinohali-haliako i olomiu.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

Puu Mpobitara 7:9

Ia wongi atuu mepau Ira i Ue, ndi onae, ”Pewangumo, petiimo sapoi ira ia kemado atuu, nde Kupeweengako iramo ia ngkaemu.

1 Samueli 11:9

Ka do'amba umoliwi ira mia mentinena mpowawa lele atuu, ”Kanandiomo imempauako ira to Yabesi-Gileadi: Tisomo tempono napi ntonga oleo ta hawe tekaduduia ndi omiu.” Mpekule iramo mia mentinena atuu ka domempauako ira to Yabesi pe'oliwi atuu, onaemo ka dompo'unde.