Yosua 11:23 - Wunta Mempori

²³ Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.

Yosua 11:23 ပူးပေါင်းရင်းမြစ်များ

Nehemia 9:24

Ka i'amba nana'ote atuudo mpewinsokio ka mpetorokio wita atuu. Ipokompetuudu ira to Kana'a i arodo, palilino wita atuu ka meweengakono luwuno mia atuu saru luwuno mokoledo ka luwuno tongku i wita atuu a ngkaedo, kai luwuno mia atuu doweweu ira montonda po'eheno aroado.

Po'unde-unde 46:9

Lakomo, kitaomo inangga-Do i Ue, anu weweuo poropua i tolino,

Peluarakoa 34:11

Sine omue, pe'inimo a anu Kutenaakomu oleo andio. Kitao, Aku sumaari ira inso i aromiu, to Amori, to Kana'a, to Heti, to Perisi, to Hewi ka to Yebusi.

Yehesikieli 45:8

Witamo atuu anu gagi tiano mokole i Isaraeli. Luwuno mokoledo to Isaraeli nahi ira mbo'u mpokonsii ira bawaa-Ku. Ira mpeweengakono wita atuu a nsuku Isaraeli montonda luwuno sukudo.”

Winali 1:38

I Yosua anano i Nunu, puu pompekakaakomu, onaemo anu ta mewinso i ra'ai. Pokorosoakono aroano, hangano onaemo anu ta wawa ira to Isaraeli mpoko'alao wita atuu.

Winali 25:19

Tewala Dopoweeakomu i Ue, Ue Alamu rodoa inso a luwuno iwali petengi-tengimu i wita anu Doweeako i Ue, Ue Alamu, kai mpe'ueo gagi tia pusakamu, asalakono oninio pinewowolo ndi Amale inso i totono langi. Sikolupeo!

Yosua 11:18

Tehine ipeteaako ira i Yosua luwuno mokole atuu.

Yosua 12:7

Ndiomo mokole anu ninangino i Yosua saru to Isaraeli i sumooano oleo Koro Yarade, inso i Ba'ala-Gadi i lembono torukuno Libano hawe ia torukuno Gundu anu morake lumako i Seiri, wita andio ipeweengakono i Yosua a nto Isaraeli gagi tiado, montonda petiaado,

Yosua 18:10

I Yosua umundiako ira i Silo, i aro-Do i Ue, ka i ra'aimo dotiaako ira i Yosua wita atuu a nto Isaraeli, menunu ka petiaado.

Yosua 22:4

Sine kanandio-andio Ondae i Ue, Ue Alamu, Dopoweeako iramo rodoa ndi ondae pe'etumu, kana anu Dodandiako ira i Ue ndi ondae. Onaemo ka impekulemo ia kema miu, i wita miu, anu Doweeakomiumo i Musa, tetenaa-Do i asa towano Yarade.

Yosua 23:1

Tehine umari-Do i Ue moweeako ira rodoa a nto Isaraeli ia sompo siuno wita inso ia luwuno iwalido, ka itempono tinuwuno i Yosua mota'uomo,