Yosua 11:20 - Wunta Mempori

²⁰ Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

Yosua 11:20 ပူးပေါင်းရင်းမြစ်များ

2 Samueli 17:14

Motae i Abisalo ka luwudo to Isaraeli, ”Patuduno i Husai, to Araki, moikoopo sekono patuduno i Ahitopeli.” Lano Ondae i Ue Dopatotoomo kasi gagi patuduno i Ahitopeli anu moiko, ka Dopoweeakono i Ue masolaa ndi Abisalo.

1 Mokole 12:15

Gagi, ondae mokole nahi perorongeako ira palili, hangano atuu lano tepu'u inso ndi Ondae i Ue, ka ite'ihii pau-Do anu pinohawe-Do molalo ndi Ahia, to Silo ndi Yerobea anano i Nebati.

2 Tawarika 22:7

A mpo'ehe-Do Ue Ala, i Ahasia ta mate i tempo kumita-kitao i Yorami. Mansano hawe i Ahasia, onae lumako saru i Yorami tepohaweakono i Yehu, ana'ueno i Nimisi, anu Do'urapiomo i Ue, ka iropuo somborino i Ahabi.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Peluarakoa 10:1

Mepau iramo i Ue ndi Musa, ”Lakomo pe'aro ndi Pirao, nde Kupokomoteaomo aroano ka aroado pegawaino, nde Aku mopokitao petondoni kinohali-haliako ndi ondae,

Peluarakoa 11:10

Doweweuomo i Musa ka i Haruni luwuakoano petondoni kinohali-haliako i arono i Pirao. Sine Ondae i Ue mokomoteao aroano i Pirao, onaemo ka nahi eheako ira to Isaraeli melako inso ia witado.

Peluarakoa 14:17

Sine lano Aku mokomoteao aroado to Masiri, ranta ka domelampui ira to Isaraeli, nde Aku mopokitao maramba-Ku ndi Pirao ka a luwuno sorodadu, kareta ka mia anu mpengara.

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 14:8

Ondae i Ue mokomoteao aroano i Pirao, mokole Masiri atuu, onaemo ka ilampui ira to Isaraeli. Sine to Isaraeli mpelempa ira mpiha kae-Do i Ue kumongkomi ira.

Peluarakoa 4:21

Pau-Do i Ue ndi Musa, ”Itempono ko mekule i wita Masiri, pewowoloo koa luwuno wineweu anu kinohali-haliako anu Ku peweengakonomo a ngkaemu, weweuo i arono i Pirao. Sine Aku mokomoteao aroano, kasi behe ira tongku atuu melako.

Peluarakoa 9:12

Sine Ondae i Ue mokomoteao aroano i Pirao, onae ka nahi perorongeako ira, kana anu Dopauomo i Ue ndi Musa.

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Yesaya 14:24

Ondae Ueno luwuakoano mesumpa Iramo kanandio, ”Menteeano kana anu Kupewowoloo, kanatuumo ta gagi, ka kana anu tinoo-Ku, kanatuumo ta wineweu:

Yesaya 34:2

Hangano Ondae i Ue tekuda a luwuno tongku, ka tekuda Ira ntu'u a luwuno sorodadudo. Dopesusua ira ka domerinopu ka Dopeweengako ira ka domensinumbele.

ROMA 9:18

Gagi Dopehohawao ndi sema anu inehe-Do ka Dopokomoteao aroano isema anu inehe-Do.

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Puu Mpobitara 14:4

Ama ka ineno nahi doto'orio motae mongkona atuu te'inso ndi Ondae Ue. Onae lano mo'ungke-ungkeako a nto Pelisiti. Itempo atuu to Pelisiti parenta ira to Isaraeli.

1 Samueli 2:25

Tewala mia tehala a mpe'asa miano, Dopolio Ue Ala mokomoiko ira. Tewala asa mia tehala ndi Ondae i Ue, isema anu ta polio gagi po'oloti?” Sine nahi doperorongeakono patuduno amado, hangano po'ehe-Do i Ue mepate ira.