Yosua 11:14 - Wunta Mempori

¹⁴ Luwuno sangka ka pinotuwu anu laro kota atuu, dompomuru iramo to Isaraeli. Sine luwuno mia dompepateako ira ponai, nahina anu tepo'ia tuwu, inso ia luwuakoano anu hinao penaano.

Yosua 11:14 ပူးပေါင်းရင်းမြစ်များ

2 Tawarika 20:25

Ka i'amba i Yosapa ka luwuno miano mpetii ira mpomuruo luwuno sangkado. Mpohawe ira hadio pinotuwu, arataado, sangka ka luwuno sangka masuli olino. Anu rinontudo atuu hadioopo sekono anu pinokowawa. Otolu oleo tehineno dompomuruo luwuno sangka atuu, hangano tedoano hadio.

Podoaa 31:9

Ka do'amba to Isaraeli mentawa ira beinedo to Midia ka luwuno anado saru mempomuruo luwuno pinotuwu ka pompolido.

Winali 20:14

Butu luwuno pinoburu moiko beine, ka nana'ote, maupo pinotuwu ka luwuno anu hina i kota atuu, imerontuomo gagi tiamiu. Pinomuru inso a iwalimiu atuu, anu Doweeakomiu i Ue, Ue Alamiu, moiko upakeo.

Winali 20:16

Sine, inso a luwuno kotado tongku atuudo anu Doweeakomiu i Ue, Ue Alamiu, gagi tia pusakamiu, hapamokoa anu menaa, si po'inee ira mentuwu.

Yosua 10:40

Kanandiomo i Yosua numangio luwuno wita atuu, Mentorukuno, wita Nege, Sipela ka korimbino ka luwuno mokoledo. Nahina maupo te'asa mia anu tepotola, sine luwudo anu hinao penaano dopepate ira, kana anu Dotenaako ira i Ue, Ue Alado to Isaraeli.

Yosua 11:11

Luwuakoano anu menaa ilarono pinepateako ponai ka dopokoropu ira mia atuudo. Nahina anu tepo'ia tuwu, ka luwuno anu hinao penaano ka Hasori domesongkoo.

Yosua 11:13

Sine, to Isaraeli nahi domentunuo kota tuudo, anu wunangu i wawoni howuno kota se'eluno, tendeano Hasori anu tinununo i Yosua.

Yosua 11:15

Kana tinena-Do i Ue ndi Musa, tetenaa-Do atuu, kanatuumo petenano i Musa ndi Yosua ka kanatuumo i weweuo i Yosua: Nahina te'asa anu kinolupeno kana tinena-Do i Ue ndi Musa.

Yosua 8:2

ka uweweuo i kota Ai ka mokoleno, kana uweweuo Yeriko ka mokoleno; butu sangka, ka pinotuwudo anu moiko impomuruo. Tena ira miamu mpewuni i bungkuno inia.”

Yosua 8:27

Butu pinotuwu ka sangkado i kota atuu anu pinomurudo to Isaraeli, menunu pau-Do i Ue, anu Dotenaakono ndi Yosua.